17:36 26 სექტემბერი 2018
პირდაპირი ეთერი
  • EUR3.0798
  • 100 RUB3.9875
  • USD2.6184
ქართული ლარი

დეპუტატ ჟორჟოლიანის ინიციატივა – დაიბეგრება თუ არა ხელფასები 30%-ით

© Sputnik / Alexander Imedashvili
საქართველოში
მოკლე ბმულის მიღება
163 0 0

დეპუტატის ინიციატივას უკვე გამოეხმაურა პრემიერ-მინისტრი მამუკა ბახტაძე, რომლის თქმითაც, მთავრობის ხედვა გადასახადების შემცირებაა.

თბილისი, 11 ივლისი — Sputnik. საპარლამენტო უმრავლესობის წევრი გია ჟორჟოლიანი მაღალი ხელფასის 30%-ით დაბეგვრის ინიციატივით გამოდის, იუწყება ტელეარხი „იმედი“ გამოცემა „ბანკები და ფინანსებზე“ დაყრდნობით. 

გია ჟორჟოლიანის წინადადებით, იმისათვის, რომ მასწავლებლის ხელფასის 100 ლარით გასაზრდელად დამატებითი ფინანსური რესურსი მოინახოს, საჭიროა 30%-ით დაიბეგროს 2500 ლარს ზემოთ შემოსავალი, რაც, თავის მხრივ, ბიუჯეტს დამატებით ნახევარ მილიარდ ლარს მოუტანს.

„არსებობს შესაძლებლობა, რომ მთავრობამ 3 წლით განახორციელოს ცვლილება, რაც გულისხმობს იმას, რომ გარკვეულ შემოსავლებზე საშემოსავლო გადასახადის განაკვეთი ისევ დარჩეს 20%, ხოლო მის ზემოთ არსებულ შემოსავლებზე საშემოსავლო გადასახადი იყოს 30 პროცენტი”, – აცხადებს  ჟორჟოლიანი.

დეპუტატის ინიციატივას უკვე გამოეხმაურა პრემიერ-მინისტრი მამუკა ბახტაძე, რომლის თქმითაც, მთავრობის ხედვა არა გადასახადების ზრდა, არამედ მისი შემცირებაა, რაც უკვე წარადგინეს კიდეც პარლამენტში სამიოდე კვირის წინ. 

მთავარი თემები