რეზო გაბრიაძე 1936 წელს დაიბადა ქუთაისში. იგი არის თბილისის მარიონეტების თეატრის დამაარსებელი (1981).
რეზო გაბრიაძე არის 35-ზე მეტი ფილმის სცენარის ავტორი, რომლებიც ქართული კინემატოგრაფიის კლასიკად იქცა. მათ შორისაა ყველასათვის ცნობილი და საყვარელი „მიმინო“, „არ დაიდარდო“, „ქინ-ძა-ძა“.
რეზო გაბრიაძეს მინიჭებული აქვს სსრკ-ის სახელმწიფო პრემია, რუსთაველის პრემია, „ნიკა“, „ტრიუმფი“, „ოქროს ნიღაბი“. ის ასევე არის საფრანგეთის რესპუბლიკის ხელოვნებისა და ლიტერატურის ორდენის კავალერი.
ჯადოქარი, მეზღაპრე, ფილოსოფოსი − როგორ აღარ იხსენიებდნენ საქართველოში და მის ფარგლებს გარეთ რეზო გაბრიაძეს
დიდი ხელოვანის ნიჭმა არა მარტო მშობლიური ქალაქი და საქართველო, არამედ მთელი კავშირი მოიცვა თავის დროზე
გაბრიაძის გასაოცარი ნიჭით - დაენახა ზღაპარი რეალურ სამყაროში, უამრავი ადამიანი იყო აღფრთოვანებული
მისი შთამ ბეჭდავი ნოსტალგიური, გენიალური სპექტაკლები მარიონეტების თეატრში არცერთი თაობის წარმომადგენელს არ ტოვებდა გულგრილს
ქართველ მხატვართან და სცენარისტთან მეგობრობით არაერთი უცხოელი ხელოვანი ამაყობდა, მასთან თანამშრომლობა ხომ სულაც უდიდესი პატივი იყო ნებისმიერისთვის
გაბრიაძე ხშირად იმეორებდა, არ ვიცი, რაზე ფიქრობენ ჩემი თოჯინები ღამ-ღამობითო, მაგრამ იცოდა, რისთვისაც შექმნა ისინი − სამყაროში სილამაზის მოსატანად
სიყვარული, პატიოსნება, სითბო − ამ თვისებებით დაამახსოვრა თავი ხელოვანმა მეგობრებსა და თაყვანისმცემლებს
რეზო გაბრიაძის სპექტაკლებმა მთელი მსოფლიო მოიარა და ყველა ქვეყანაში თავისი ნაწილი − სინათლის სხივი დატოვა
მისი შემოქმედება შთაგონებით აღავსებდა და პირდაპირ გულში სწვდებოდა მაყურებელს
კინო, ფერწერა, ლიტერატურა, თეატრი − რას აღარ იტევდა ამ ერთი დიდი კაცის ბუნება
რეზო გაბრიაძე სიცოცხლის ბოლო წუთამდე დარჩა წარმოუდგენლად თბილ ადამიანად
მშვიდობით, ოსტატო!
