კვლევებმა აჩვენა, რომ ბუნებრივი ქერა თმის ფენომენი ძალზე იშვიათია და ბოლო 50 წლის განმავლობაში მსოფლიოში ქერა თმის მქონე ადამიანების რიცხვი 49-დან 14 პროცენტამდე შემცირდა. ეს იმის გამო ხდება, რომ მსოფლიოში მუქი თმის მქონე ადამიანების რიცხვი სტაბილურად იზრდება, ხოლო იმისთვის, რომ ადამიანს ღია ფერის თმა ჰქონდეს, ორივე მშობელი უნდა იყოს ქერა.
კვლევის შედეგებმა გამოიწვია პლანეტის ქერა მკვიდრთა უფლებების დასაცავად მოძრაობის შექმნა. 2003 წელს ამერიკელმა ქალებმა მრავალ ქალაქში გამართეს ქერების დღე და გაეროს 31 მაისის მათ დღედ აღიარების მოთხოვნით მიმართეს.
ჩვენი დროისგან განსხვავებით, ძველ საბერძნეთში ქერათმიანი ქალები იყვნენ სიწმინდის, უდანაშაულობის და ღვთაებრიობის განსახიერება, ხოლო XX საუკუნის დასაწყისში ქერა თმა რასობრივი უპირატესობის ნიშნად მიიჩნეოდა.