ერთ-ერთმა ყველაზე ცნობილმა რუსმა ჩოგბურთელმა, 32 წლის მარია შარაპოვამ განაცხადა, რომ 28 წლიანი მოღვაწეობის შემდეგ სპორტული კარიერა დაასრულა.
ამის შესახებ შარაპოვამ Vanity Fair გამოცემის ესსეში დაწერა, განცხადება მან ასევე საკუთარ Instagram გვერდზეც განათავსა.
„ჩოგბურთმა მე მაჩვენა მთელი სამყარო, მომცა საშუალება გამეგო, რა შემიძლია. ასე ვამოწმებდი საკუთარ თავს და ვხვდებოდი, რომ ვიზრდებოდი. როგორიც არ უნდა იყოს ჩემი ცხოვრების შემდეგი თავი, ჩემი შემდგომი მწვერვალი, ვიბრძოლებ და კვლავ გავიზრდები. ჩოგბურთო, მშვიდობით“, - დაწერა სპორტსმენმა საკუთარ პუბლიკაციაში.
მარია შარაპოვა დიდი სლემის ხუთგზის გამარჯვებულია 2004-2014 წლებში. ის ათიდან ერთ-ერთი ქალია ისტორიაში, რომელიც „კარიერულ სლემს“ ფლობს, ანუ მან მოიგო დიდი სლემის ყველა ტურნირი, თუმცა სხვადასხვა წლებში. რუსი ჩოგბურთელი ასევე ერთ-ერთი ლიდერთაგანია მსოფლიოს სპორტსმენებს შორის სარეკლამო ჰონორარის მიხედვით.