ამერიკულმა Forbes-მა გამოაქვეყნა მსოფლიოს ყველაზე მაღალანაზღაურებადი მსახიობების ყოველწლიური რეიტინგი. ტოპ-10 ადგილიდან ნახევარი „შურისმაძიებლების“ მსახიობებმა დაიკავეს, ხოლო მის სათავეში დუეინ „კლდე“ ჯონსონი მოხვდა.
მამაკაცების მთავარი როლები ჯერ კიდევ მომგებიანი ამპლუაა ჰოლივუდში. უკვე იშვიათია ჰონორარის 20-20 სქემით გაცემა (20 მილიონი დოლარი თავიდან და 20% მოგებიდან), რაც ხშირი მოვლენა იყო ჰარისონ ფორდისა და ტომ კრუზისათვის. თუმცა ჰოლივუდში კვლავ არიან მსახიობები, რომელთა აუდიტორიაც ძალიან დიდია, მათ კი შვიდნიშნა ჰონორარზე დამატებით ფილმის შემოსავლიდან დამატებით უხდიან.
შემოსავლები დათვლილია Nielsen-ის, ComScore-ის, Box Office Mojo-ს და IMDB-ს მონაცემებზე და ინდუსტრიის ექსპერტების მოსაზრებებზე დაყრდნობით. ყველა თანხა მითითებულია გადასახადების გადახდამდე.