ინდონეზიაში პაპუასების მასობრივი საპროტესტო აქციები გრძელდება ქვეყნის სხვადასხვა ქალაქებში, ქუჩებში ისმის სროლის ხმები. იხილეთ ფოტომასალაში სურათები მოვლენათა ეპიცენტრიდან.
პროტესტი და მასთან დაკავშირებული არეულობები ორშაბათს დაიწყო, მას შემდეგ, რაც სოციალურ ქსელებში გავრცელდა ინფორმაცია ქვეყნის სხვადასხვა ქალაქებში პაპუას სტუდენტებზე თავდასხმების შესახებ.
ადგილობრივ გაზეთში Jakarta Post გამოქვეყნებული ინფორმაციის მიხედვით, სოციალურ ქსელებში გავრცელდა პოსტები, სადაც ნათქვამია, რომ პაპუასებზე თავდამსხმელები მათ „მაიმუნებს“ უწოდებდნენ და მათ უნივერსიტეტიდან და სხვა სასწავლო დაწესებულებებიდან გარიცხვას ითხოვდნენ.
პაპუაში და დასავლეთ პაპუაში მომიტინგეები აცხადებენ, რომ მზად არიან პროტესტი განაგრძონ მანამ, სანამ ქვეყანაში არ შეწყდება პაპუასების დისკრიმინაცია.