თბილისის საფეხბურთო კლუბი „საბურთალო“ „არარატ-არმენიასთან“ თბილისში შეხვედრის შედეგად ანგარიშით 0:2 დამარცხდა და უეფას ევროპის ლიგას გამოეთიშა. იხილეთ Sputnik-საქართველოს ფოტოლენტაში, თუ რა ხდებოდა თამაშზე
პირველი მატჩი ერევანში „საბურთალოს“ გამარჯვებით ანგარიშით 2:1 დასრულდა. ორი შეხვედრის შეჯამებით კი „არარატმა“ 3:2 გაიმარჯვა.
სტუმრებმა ანგარიში საკმაოდ სწრაფად გახსნეს. უკვე მეათე წუთზე ანტონ კობიალკომ მიგინეიშვილის კარში ბურთი გაიტანა. ამ ეპიზოდში ორმა ქართველმა ნახევარმცველმა დაუშვა შეცდომა და თავდამსხმელს შეტევის საშუალება მისცა.
ანგარიშის გახსნის შემდეგ, ბურთის ფლობის მხრივ საბურთალო დაწინაურდა, თუმცა გოლის გატანა მაინც ვერ შეძლო. თბილისურმა კლუბმა მთელი პირველი ტაიმის განმავლობაში მხოლოდ ერთხელ დაარტყა მეტოქის კარის მიმართულებით.
საგოლე მომენტებისგან განსხვავებით, ყვითელი ბარათების რაოდენობა საკმარისი იყო. ჯამში, შევხედრის მთავარმა არბიტრმა - უკრაინელმა მიკოლა ბალაკიმ 11 გაფრთხილება გასცა და 28 ჯარიმა დანიშნა.
