ჩრდილოეთ საბერძნეთში ქარიშხალმა ექვსი ტურისტი იმსხვერპლა

საბერძნეთის ჩრდილოეთ ნაწილში ძლიერი ქარის გამო დაიღუპა ექვსი ტურისტი, ასზე მეტი კი დაშავდა. იხილეთ სტიქიის შედეგების ამსახველი ფოტოკადრები „Sputnik−საქართველოსგან“.

ოთხშაბათს, საღამოს უძლიერესი ქარიშხალი მოულოდნელად დაატყდა თავს ჰალკიდიკის ნახევარკუნძულის კურორტებს. სტიქიას ექვსი ტურისტი ემსხვერპლა, ასამდე ადამიანი დაშავდა, ხოლო ერთი მეთევზე უგზო-უკვლოდ დაიკარგა.

ძლიერი ქარი, თავსხმა წვიმა და შტორმი ერთდროულად უტევდა ნახევარკუნძულს — შენობებს სახურავებს გლეჯდა, აყირავებდა ავტომობილებს, ტბორავდა სასტუმროებს.

ხელისუფლებამ ჰალკიდიკზე საგანგებო მდგომარეობა გამოაცხადა. უბედურების ადგილზე მაშველები მუშაობენ.