იმისათვის, რომ მრავალრიცხვოვანი საზოგადოების წინაშე თავი წარმოაჩინონ, ვარსკვლავები უამრავ დროსა და ენერგიას ხარჯავენ. იხილეთ Sputnik-საქართველოს ფოტოლენტაში სახალისო შემთხვევების სურათები, რომლების დროსაც ქარი ქალებს კაბებს უფრიალებს, პოლიტიკოსებს კი თმას
ბევრი დაგვეთანხმება, ცნობილები ხშირად აღმოჩენილან ძლიერი ქარის გამო კომიკურ სიტუაციაში. ისინი საათობით ემზადებიან ხოლმე წითელ ხალჩაზე ერთ-ერთი უმნიშვნელოვანესი გამოსვლისათვის და უცებ - უამინდობა. გულდასაწყვეტია, ქარის ერთ დაბერვაზე მათი მომხიბვლელობა და გრაციოზულობა უკვალოდ რომ ქრება.
მაგალითად, პრინცი უილიამის მეუღლე, კეტრინ მიდლტონი, ყოველთვის ვერ ახერხებს ქვედაბოლოს დაჭერას, ქარი კი მას ზემოთ აფრიალებს. ამბობენ, ამის გამო დიდი ბრიტანეთის დედოფალი ელიზაბეთ II ძალიან უკმაყოფილოა კემბრიჯის ჰერცოგინიის სამოსით.
მსახიობები და მომღერლები ასევე უკმაყოფილოები არიან უამინდობით. ხშირად ქარი მათ ვარცხნილობასაც უფუჭებს. მსგავს სიტუაციებში არაერთხელ აღმოჩენილან ელი გოლდინგი და ემა სტოუნი. მაგრამ, ალბათ, ყველაზე საშინელი მომენტი სამოსის ნაწილის დაკარგვაა, რომელსაც შემდგომ დასაჭერად დასდევენ ხოლმე.
ქარი დაუნდობელია ყველას მიმართ. მაგალითად, აშშ-ის პრეზიდენტ დონალდ ტრამპს, გამუდმებული პრობლემები აქვს ვარცხნილობასთან ქარის გამო.