00:08 20 ივნისი 2019
პირდაპირი ეთერი
  • EUR3.0995
  • 100 RUB4.3046
  • USD2.7664
ფოტო

თბილისის ძველი ახალი ცენტრი - ორბელიანის მოედანი რეკონსტრუქციის შემდეგ

მოკლე ბმულის მიღება
53230
  • ორბელიანის მოედანზე მასშტაბური სარემონტო-აღდგენითი სამუშაოების დროს რეკონსტრუქცია ჩაუტარდა 20 შენობას
  • 20 შენობიდან 13 კულტურული მემკვიდრეობის ძეგლია
  • შენობების ნაწილს გაუკეთდა ახალი, თანამედროვე ფასადი
  • რეკონსტრუქციის მიზანი იყო ახალი ტურისტული მარშრუტის შექმნა თბილისის ცენტრში
  • პროექტის ფარგლებში გამაგრდა დაზიანებული შენობები, აღდგა ფასადები და ხისა და მეტალის დეტალები, შეიცვალა სახურავები
  • ასევე გაფართოვდა და გაუმჯობესდა ორ დონიანი მიწისქვეშა პარკინგი ორბელიანის მოედანზე, მის ცენტრში დამონტაჟდა ლიფტი, რომლითაც პარკინგიდან ამოსვლა იქნება შესაძლებელი
  • რეკონსტრუქციის მიუხედავად შენარჩუნდა შენობების ისტორიული იერსახე
  • ასევე განახლდა მოედანზე მდებარე პატარა პარკი
  • აქ ასევე დაიდგა ძველი ტრამვაის ვაგონი, რომელიც ქუჩის ნამდვილ მორთულობად იქცა. ალბათ აქ ბევრი ტურისტი გადაიღებს სამახსოვრო ფოტოს
  • რეკონსტრუქციის ფარგლებში მოედანზე და პარკში ახალი ხეები დაირგო
  • შენობებზე, სახურავების გარდა, დამონტაჟდა ფლუგერებიც
  • პარკს კი განახლებული ფანტანი ალამაზებს
  • შენობებზე ორიგინალური სტილის ორნამენტებიანი ქუჩის ნიშნები გამოჩნდა
  • პროექტის დასრულების შემდეგ თბილისში კიდევ ერთი სარეკრეაციო ზონა მოეწყობა, რომელიც მოიცავს ორბელიანის მოედანს, ათონელის, ფურცელაძისა და ფხოვის ქუჩების ნაწილს
  • პროექტის ფარგლებში სრულად განახლდა საკომუნიკაციო ქსელები, მოეწყო დრენაჟები და წყალსადინრები
  • ხალხმა სამუშაოების დასრულებისთანავე გაისეირნა ქალაქის განახლებულ ნაწილში
  • შენობების პირველ სართულებზე განთავსდება სხვადასხვა სავაჭრო და კვების ობიექტები
  • პროექტის განხორციელებისათვის თბილისის ბიუჯეტიდან გამოიყო 70 მილიონი ლარი
© Sputnik / Vladimir Umikashvili.
ორბელიანის მოედანზე მასშტაბური სარემონტო-აღდგენითი სამუშაოების დროს რეკონსტრუქცია ჩაუტარდა 20 შენობას

ორბელიანის მოედნის აღდგენითი სამუშაოები დასასრულს მიუახლოვდა. იხილეთ Sputnik-საქართველოს ფოტოლენტაში, თუ როგორ გამოიყურება მოედანი თითქმის ორ წლიანი მასშტაბური სარემონტო-აღდგენითი სამუშაოების შემდეგ

ორბელიანის მოედნის აღდგენა 2017 წელს დაიწყო. სამუშაოები ჩატარდა თბილისის მერიისა და თბილისის განვითარების ფონდის „ახალი ტფილისი“ მეორე ეტაპის ფარგლებში. პროექტის მიზანია - შეიქმნას დიდი ტურისტული მარშრუტი ქალაქის ისტორიულ ნაწილში.

„ასეთი მასშტაბის პროექტი თბილისში ჯერ არ განხორციელებულა“, - განაცხადა თბილისის მერმა კახა კალაძემ. მართლაც - მოედანსა და მიმდებარე ქუჩებზე ყველაფერს რეაბილიტაცია ჩაუტარდა. აღდგა და გარემონტდა 20 შენობა, მათგან 13 კულტურული მემკვიდრეობის ძეგლია.

თბილისის მერის თქმით, დედაქალაქში დაგეგმილია კიდევ რამდენიმე მნიშვნელოვანი ინფრასტრუქტურული პროექტი, რომელთა განხორციელებაც ახლო მომავალში დაიწყება.

ორბელიანის მოედანი და მიმდებარე ქუჩები არის გაგრძელება იმ დიდი ტურისტული მარშრუტისა, რომელიც მუშთაიდიდან იწყება და აღმაშენებლის გამზირის გავლით თავისუფლების მოედანზე სრულდება.

 

მეტი ფოტოლენტა

მთავარი თემები