თბილისში გამართულ საერთაშორისო კონგრესში „ჰიდროენერგეტიკა. კასპიის ზღვა და ცენტრალური აზია“ მონაწილეობა მიიღო 150-ზე მეტმა სტუმარმა სხვადასხვა ქვეყნიდან. იხილეთ „Sputnik-საქართველოს“ ფოტოკადრები, როგორ მიმდინარეობდა ფორუმი.
კონგრესის მთავარი თემები იყო პრაქტიკული მაგალითები კომპანიისგან, რომელიც წარმატებით ახორციელებს ჰესების მშენებლობის პროექტებს ამერიკაში, ევროპასა და აზიაში, ასევე ახალი ჰიდროენერგეტიკული პროექტები კასპიის ზღვის რეგიონსა და ცენტრალური აზიაში, ამ მიმართულებით საერთაშორისო თანამშრომლობის განვითარების პერსპექტივები.
კონგრესის მონაწილეთა შორის იყვნენ საქართველოს, აზერბაიჯანის, ირანის, სომხეთის, რუსეთის, ყაზახეთის, ყირგიზეთის, ტაჯიკეთისა და უზბეკეთის წარმომადგენლები.
ყოველწლიური საერთაშორისო კონგრესი და გამოფენა „ჰიდროენერგეტიკა. კასპიის ზღვა და ცენტრალური აზია“ პროფესიონალური პლატფორმაა დიალოგისთვის, გამოცდილების გაზიარებისთვის, გადაწყვეტილებების მისაღებად, ხელისუფლებისა და ბიზნესის წარმომადგენელთა ძალისხმევის კონსოლიდაციისთვის რეგიონის მთელი რიგი ჰიდროელექტროსადგურების მშენებლობისა და რეკონსტრუქცია/მოდერნიზაციის პროექტების რეალიზაციისათვის.
თბილისმა ამ კონგრესს მესამედ უმასპინძლა. საერთაშორისო საინფორმაციო სააგენტო და რადიო „Sputnik-საქართველო“, ტრადიციულად, კონგრესის საინფორმაციო პარტნიორია.