ტორტის დღე – შედარებით ახალგაზრდა საერთაშორისო დღესასწაულია, რომელიც მთელ მსოფლიოში 2011 წლიდან ყოველ 20 ივლისს აღინიშნება. „Sputnik-საქართველომ“ გადაწყვიტა თქვენთვის მოემზადებინა მსოფლიოს ყველაზე უჩვეულო ტორტების ფოტოების ნაკრები.
ტორტის საერთაშორისო დღე (International Cake Day) ეძღვნება მეგობრობასა და მშვიდობას ხალხთა შორის, ქვეყნებსა და ერებს შორის. ის 20 ივლისს აღინიშნება. დღესასწაული ტარდება დევიზით I cake You, რაც ნიშნავს — "მე მოვალ შენთან ტორტით!" ეს ლოგიკურიცაა — მეგობრობისა და მშვიდობის აღსანიშნავად ჩაი და ტორტი საუკეთესო საშუალებაა.
ამ თარიღის აღნიშვნის ინიციატორი არის სიყვარულის სამეფოს "მილანის კლუბი" — მეგობრების საზოგადოება, რომლის წევრებიც არიან მუსიკოსები, კულინარები და სხვა შემოქმედებითი ბუნების ადამიანები. ამ შემოქმედებითმა კავშირმა 2009 წელს დაიწყო საერთო მუსიკალური ტორტების ცხობა, შემდეგ კი მათ სხვა ქვეყნებშიც მიბაძეს.
2011 წელს ტორტის დღის აღნიშვნაში მონაწილე ქვეყნები გახდნენ საერთაშორისო დღესასწაულის საფუძვლის ჩამყრელები, იუწყება ვებ-გვერდი Calend.ru. მათ შორის არიან აშშ, ისრაელი, უკრაინა, რუსეთი, ბელარუსი, მოლდოვა, აზერბაიჯანი და სომხეთი. მაშინ ამ დღეს გამოცხვა მსოფლიოში პირველი გუნდური "მრავალეროვნული" სამშვიდობო ტორტი — მის მომზადებაში უამრავმა ადამიანმა მიიღო მონაწილეობა, რომლებმაც გადაგზავნეს მათ მიერ სადღესასწაულოდ მომზადებული ტორტების ფოტოები. პირველი გუნდური სამშვიდობო ტორტის საზღვრებმა მოიცვა ევროპა, აზია, ამერიკა და ახლო აღმოსავლეთი. მას შემდეგ ტორტის დღე იქცა ყოველწლიურ ტკბილ ტრადიციად, ხოლო მასში მონაწილეთა რაოდენობა უფრო და უფრო იზრდება.