თბილისმა სილამაზის კუნკურსის Miss Chinese Cosmos Pageant ნახევარფინალს უმასპინძლა

მონაწილეების შერჩევა თბილისის ერთ–ერთ ნაციონალურ რესტორანში ჩატარდა – გოგონები ჟიურის წინაშე ქართველი დიზაინერის, აკა მინაშვილის სამოსში წარსდგნენ.

ფინალში გადასვლის შესახებ ჩინელმა ლამაზმანებმა შეიტყვეს არა ტრადიციულად გამოცხადებისას, არამედ სადილის დროს – მათ, ვინც ეტაპი გადალახა, მიართვეს კერძი ფელამუშით.

ფელამუში საკუთარ ლანგრებზე აღმოაჩინა 12 კონკურსანტმა, რომლებიც ფინალში გავიდნენ.

დარჩენილმა 4 კონკურსანტმა ტკბილეულის მაგიერ პრიზი – ძვირფასეულობა მიიღო და კონკურსი დატოვა.

კონკურსის ფინალი ჩინეთში 17 ოქტომბერს გაიმართება.

იმ ათი დღის შესახებ, რომელიც ჩინელმა გოგონებმა სილამაზის კონკურსის ფარგლებში საქართველოში გაატარეს, პროექტის ორგანიზატორმა თანამგზავრულმა ტელეარხმა Phoenix TV დოუმენტური ფილმი გადაიღო, რომლის დემონსტრაციაც ფინალის დროს მოხდება.

ფილმში ჩინელები საქართველოს ულამაზესი ხედების ფონზე ქართულ ეროვნულ ცეკვებს ასრულებენ – გაკვეთილები მათ აფხაზეთის ავტონომიური რესპუბლიკის სიმღერისა და ცეკვის ეროვნულმა ანსამბლმა ჩაუტარა, იუწყება საქართველოს ტურიზმის ადმინისტრაცია.

ცეკვების გარდა, საქართველოში გატარებული დროის ფარგლებში, ჩინელი ლამაზმანები გაეცნენ თექაზე მუშაობის ტექნოლოგიას, ასევე მათ ყურძენი დაკრიფესი და ჩურჩხელის გაკტება ისწავლეს.

ბოლო 10 წლის განმავლობაში ჩინეთის სილამაზის კონკურში აშშ–ში, ავსტრალიაში, ევროპის ქვეყნებსა და ტაიტის კუნძულზე ტარდებოდა. კონკურსის ორგანიზატორია ჩინეთის უდიდესი თანამგზავრული ტელეარხი Phoenix TV. ის ევროპის, ჩრდილოეთ ამერიკის და ჩინეთის 250 მილიონიან აუდიტორიაში მაუწყებლობს.