19:57 24 ნოემბერი 2020
პირდაპირი ეთერი
  • EUR3.9215
  • 100 RUB4.3481
  • USD3.3073
ეკონომიკა
მოკლე ბმულის მიღება
საქართველოს ეკონომიკა (831)
57 0 0

მერიის ცნობით, ცენტრი ხელს შეუწყობს სხვადასხვა ტექნიკურ დარგში კადრების პროფესიულ დონეზე მომზადებასა და მათ დასაქმებას.

თბილისი, 26 ოქტომბერი – Sputnik. თბილისში კავკასიის სასწავლო და საგამოცდო ცენტრი გაიხსნა. გახსნის ღონისძიებას დედაქალაქის მერი კახა კალაძე დაესწრო, ნათქვამია დედაქალაქის მერიის მიერ გავრცელებულ განცხადებაში.

უწყების ინფორმაციით, ცენტრი ტექნიკური დარგის ასეულობით სპეციალისტს მოამზადებს, რაც შემდეგში მათი დასაქმების გარანტიას შექმნის.

„სასწავლო პროცესი ნოემბერში დაიწყება და ცენტრს სრულფასოვნად ექნება შესაძლებლობა, დაიწყოს სპეციალისტების გადამზადება. ის ხელს შეუწყობს საჭირო კადრების როგორც პრაქტიკულ, ასევე თეორიულ მომზადებას. გაიცემა სერტიფიკატები, რომლის მეშვეობითაც ადამიანებს ექნებათ შესაძლებლობა, არა მხოლოდ საქართველოში დასაქმდნენ, არამედ ჩვენს საზღვრებს გარეთაც“, – განაცხადა მერმა.

მერიის ცნობით, პროექტი საერთაშორისო მასშტაბისაა და ქართულ რეალობაში უპრეცედენტოა.

ცენტრში დაგეგმილია სწავლება სხვადასხვა ტექნიკურ პროფესიაში. კერძოდ, ინსპექტორი, ტექნიკური მენეჯერი, ხარისხის მენეჯერი, სპეციალური მძღოლი და გადამზიდველი, სატრანსპორტო საშუალების გადაკეთების სპეციალისტი, სპეციალური ტექნიკის ოპერატორი მძღოლი, უსაფრთხოების სპეციალისტი, ავტოსატრანსპორტო ექსპერტი და სხვ.

გარდა თეორიული სწავლებისა, სასწავლო ცენტრში ჩატარდება პრაქტიკული მეცადინეობები, რისთვისაც მოწყობილია ტექნიკური ინსპექტირების ერთი უნივერსალური და ექვსი LV ტესტირების ხაზი.

პროექტში უკვე განხორციელდა 6 მლნ ლარის ინვესტიცია. იგეგმება მისი მოცულობის გაზრდა.

თემები:
საქართველოს ეკონომიკა (831)

მთავარი თემები