Пандемия коронавируса - COVID-19 и человеческие клетки изучаются под микроскопом - Sputnik საქართველო
COVID-19 - ბოლო ცნობები
კაცობრიობა უდიდეს გამოწვევის - კორონავირუსის საფრთხის წინაშე აღმოჩნდა. მეცნიერები და მსოფლიოს მთავრობები ყოველდღიურ ბრძოლაში არიან ჩართულნი ადამიანთა სიცოცხლის გადასარჩენად. რა ხდება მსოფლიოში და საქართველოში - იხილეთ Sputnik საქართველოს მასალებში.

მუშაობა კორონავირუსის პირობებში: ქართულ კომპანიებში შრომის პირობებს ამოწმებენ

© Sputnik / Alex Shlamovდაკეტილი რესტორნები
დაკეტილი რესტორნები - Sputnik საქართველო
გამოწერა
ის ობიექტები, სადაც  არ არის დაცული უსაფრთხოების წესები, მუშაობის განახლებას მხოლოდ დამატებითი შემოწმების შემდეგ შეძლებენ

თბილისი, 5 მაისი - Sputnik. საქართველოს ჯანდაცვის სამინისტროს შრომის ინსპექციის თანამშრომლებმა უსაფრთხოების წესების შესრულება 1344 კომპანიაში, მათ შორის ონლაინ-მაღაზიებში შეამოწმეს,  ნათქვამია მთავრობის ვებგვერდზე გავრცელებულ განცხადებაში.

კორონავირუსი საქართველოში: შეზღუდვებისა და აკრძალვების სრული ჩამონათვალი 5 მაისისთვის >>

საქართველოს მთავრობამ შეზღუდვების ეტაპობრივი მოხსნა დაიწყო იმ კომპანიებისათვის, რომლებიც 31 მარტიდან კორონავირუსის გავრცელების საფრთხის გამო დაიკეტა. დღეიდან დაიშვა სამშენებლო კომპანიების, ავტოსარემონტო სახელოსნოების და სამრეცხაოების მუშაობა, თუმცა ეპიდემიოლოგების რეკომენდაციების დაცვით.

საპატრულო პოლიციის ეკიპაჟი საკომენდანტო საათის დროს თბილისის ქუჩებში - Sputnik საქართველო
საქართველოში საგანგებო მდგომარეობის რეჟიმის დარღვევის 107 ახალი ფაქტი გამოვლინდა

შემოწმებული კომპანიების ნაწილი ჯანდაცვის სამინისტროს რეკომენდაციებს აკმაყოფილებენ. თუმცაღა, ის ობიექტები, სადაც არ არის დაცული სათანადოდ უსაფრთხოების წესები, მუშაობის განახლებას მხოლოდ დამატებითი შემოწმების შემდეგ შეძლებენ.

კორონავირუსის აფეთქებამ სერიოზული დარტყმა მიაყენა საქართველოს ეკონომიკას. ქვეყანაში წარმოდგენილი ბიზნესის თითქმის ყველა სფერო დაზარალდა. ამიტომ შეზღუდვების სწრაფი, ეფექტური და უსაფრთხო მოხსნა ხელისუფლების მთავარ ამოცანას წარმოადგენს.

21 მარტიდან საქართველოში საგანგებო მდგომარეობა მოქმედებს. 21:00 საათიდან 06:00 საათამდე გამოცხადებულია კომენდანტის საათი. ტაქსებისა და სხვა მსუბუქი ავტომობილებისთვის მოქმედებს მკაცრი შეზღუდვა - დასაშვებია მხოლოდ ორი მგზავრის გადაყვანა და მხოლოდ უკანა სავარძელზე. სამ კაცზე მეტი პირის შეკრება აკრძალულია.

საგანგებო მდგომარეობის რეჟიმი ქვეყანაში 21 მაისამდე იმოქმედებს. დღეისათვის საქართველოში 604 ინფიცირებულია, 240 გამოჯანმრთელებული და 9 გარდაცვლილი პაციენტია.

ყველა ახალი ამბავი
0