თბილისი, 15 თებერვალი – Sputnik. 2020 წლის იანვარში ქართულ კომერციულ ბანკებში ელექტრონული სისტემებით ფულადი გადარიცხვების მოცულობა, 8.6%-ით გაიზარდა და 125,6 მლნ დოლარზე მეტი შეადგინა, ნათქვამია საქართველოს ეროვნული ბანკის მასალებში.
2020 წლის იანვარში რუსეთიდან საქართველოში ფულადი გადარიცხვები 5,2%-ით ნაკლები იყო, ვიდრე გასული წლის იმავე პერიოდში. რუსეთიდან ფულადი გადარიცხვების საერთო მოცულობამ წლის პირველი თვის განმავლობაში დაახლოებით 26,2 მლნ დოლარი შეადგინა, რაც ქართულ კომერციულ ბანკებში ელექტრონული სისტემებით ფულადი გადარიცხვების 20,8%-ია.
ლიდერი ქვეყნების ექვსეულში ასევე შედიან: იტალია, საბერძნეთი, აშშ, ისრაელი და თურქეთი.
იანვარში საქართველოდან უცხოეთში გადაირიცხა დაახლოებით 18,5 მლნ დოლარი, რაც 19,1%-ით მეტია გასული წლის პირველ თვესთან შედარებით.
