აბასთუმნის ობსერვატორია ახალ ფუნქციებს შეიძენს

© courtesy of Abastumani Astrophysical Observatory ევგენი ხარაძის დაარსებული აბასთუმნის ასტროფიზიკური ობსერვატორია
 ევგენი ხარაძის დაარსებული აბასთუმნის ასტროფიზიკური ობსერვატორია - Sputnik საქართველო
გამოწერა
1932 წელს ევგენი ხარაძის მიერ დაარსებულ აბასთუმნის ასტროფიზიკურ ობსერვატორიაში სარემონტო სამუშაოები თითქმის ორი წელი მიმდინარეობდა.

თბილისი, 3 თებერვალი — Sputnik. ევგენი ხარაძის სახელობის საქართველოს ყველაზე დიდმა ასტროფიზიკურმა ობსერვატორიამ აბასთუმანში ახალი სიცოცხლე შეიძინა, სარემონტო სამუშაოები მთლიანად დასრულდა, ნათქვამია რეგიონული განვითარებისა და ინფრასტრუქტურის სამინისტროს ვებ-გვერდზე.

აბასთუმანში სასტუმროს მშენებლობა იგეგმება - Sputnik საქართველო
აბასთუმანში ხუთვარსკვლავიანი სასტუმრო გაჩნდება

ობსერვატორიას ახალი ფუნქცია დაემატება: მასში განთავსდება საინფორმაციო ცენტრი ვიზიტორებისთვის და კაფე. ასევე გაჩნდება საგამოფენო და სამუშაო სივრცე, აღდგება არსებული ბიბლიოთეკა.

ობსერვატორიის მიმდებარე ტერიტორია მთლიანად კეთილმოწყობილია. ობსერვატორიას ყოველწლიურად 10 ათასამდე ტურისტი სტუმრობს.

აბასთუმნის ასტროფიზიკური ობსერვატორია 1932 წელს დაარსდა. ობსერვატორიის სამეცნიერო კვლევების ძირითადი მიმართულებებია გალაქტიკების, ვარსკვლავების, მზის ფიზიკის, მზის სისტემის მდგრადობის და დედამიწის ატმოსფეროს ზედა ფენების შესწავლა.

სარემონტო სამუშაოები ობსერვატორიაში 2018 წლის ივნისში დაიწყო. ობსერვატორიას აქვს 14 ტელესკოპი, რომელთაც განახლება სჭირდებოდა.

ყველა ახალი ამბავი
0