22:01 04 აპრილი 2020
პირდაპირი ეთერი
  • EUR3.4134
  • 100 RUB4.1072
  • USD3.1576
ეკონომიკა
მოკლე ბმულის მიღება
საქართველოს სოფლის მეურნეობა (64)
36 0 0

თხილის მწარმოებელთა ასოციაციას იმედი აქვს, რომ პროდუქციის ხარისხის გაუმჯობესებასთან ერთად წარმოებაც გაიზრდება

თბილისი, 22 დეკემბერი - Sputnik. თხილის ექსპორტი იანვარ-ნოემბერში 90%-ით გაიზარდა გასული წლის ანალოგიურ პერიოდთან შედარებით, ხოლო კარალიოკისა და ხურმის - 86%-ით, ნათქვამია გარემოს დაცვისა და სოფლის მეურნეობის სამინისტროს Facebook-გვერდზე.

საგარეო სავაჭრო ბრუნვა – ვისთან და რითი ვაჭრობს საქართველო >>

2019 წლის აგვისტო-ნოემბრის პერიოდში, საქართველოდან 8,3 ათასი ტონა თხილი ექსპორტირებულია მსოფლიოს 37 ქვეყანაში - გასულ წელთან შედარებით 10 ქვეყნით მეტი. კარალიოკისა და ხურმის ექსპორტი რვა ქვეყანაში განხორციელდა - 7,3 ათასი ტონა.

წელს თხილის ხარისხის გაუმჯობესება მოხერხდა. გარდა ამისა, იგეგმება მოსავლის გაზრდა წელიწადში 100 ათას ტონამდე, რაც 1 მილიარდი ლარის მოგებას მოიტანს, განაცხადა თხილის მწარმოებელთა ასოციაციის ხელმძღვანელმა გიორგი თოდუამ.

„პოტენციალი რეალისტურია და არა მხოლოდ ამბიციური გეგმა. იმედიან განწყობას ის ფაქტი გვინარჩუნებს, რომ ფერმერები დარწმუნდნენ, რომ გარკვეული შრომის შედეგად მაღალი ხარისხის პროდუქციის მიღება სავსებით შესაძლებელია. ხარისხთან ერთად რაოდენობაზეცაა საუბარი. გაორმაგება აბსოლუტურად რეალისტურია“, - განაცხადა თოდუამ.

ამჟამად თხილის პლანტაციები 70 ათას ჰექტარს მოიცავს.

თხილი ძირითადად დასავლეთ საქართველოში არის გაშენებული. ბოლო წლებში მოსავალს სერიოზული პრობლემები შეუქმნა აზიური ფაროსანას შემოსევებმა, მაგრამ ხელისუფლებამ გამოსავალი იპოვა. ამოქმედდა ამ მავნებელთან ბრძოლის სპეციალური პროგრამა.

თემები:
საქართველოს სოფლის მეურნეობა (64)

მთავარი თემები