02:05 30 ოქტომბერი 2020
პირდაპირი ეთერი
  • EUR3.7913
  • 100 RUB4.0794
  • USD3.2338
ეკონომიკა
მოკლე ბმულის მიღება
13110

სპეციალისტები შიშობენ, რომ მკვეთრად აცივების გამო მანდარინის მოსავალი დასავლეთ საქართველოში შეიძლება გაფუჭდეს.

თბილისი, 5 დეკემბერი — Sputnik. სინოპტიკოსები ფერმერებს აფრთხილებენ, რომ უახლოეს დღეებში დასავლეთ საქართველოში მკვეთრად აცივდება და ამიტომ აჯობებს, თუ ციტრუსის მოსავალს დროულად აიღებენ.

ციტრუსებს შორის მანდარინი შედარებით ყინვაგამძლეა. მისთვის კრიტიკულია 7-8 გრადუსი ყინვა, რომლის დროსაც შეიძლება მანდარინის ერთწლიანი ნაზარდები დაზიანდეს.

როგორც გარემოს ეროვნული სააგენტოს განცხადებაშია აღნიშნული, პარასკევსა და შაბათს ქვეყნის დასავლეთ რაიონებში ღამით ყინვაა მოსალოდნელი.

„დასავლეთ საქართველოს დაბლობ რაიონებში მოსალოდნელმა ყინვამ (-5–-2 გრადუსამდე) შესაძლებელია ციტრუსების ერთწლიანი ნაზარდები და დაუკრეფავი ნაყოფი დააზიანოს", – აღნიშნულია განცხადებაში.

აჭარაში წელს 55 ათას ტონამდე ციტრუსის მოსავალს ელოდებიან. შიდა ბაზარზე რეალიზაციის გარდა, მანდარინი გააქვთ რუსეთში, უკრაინაში, აზერბაიჯანში, სომხეთში.

წელს ტრადიციულ ექსპორტიორ ქვეყნებს კიდევ 12 ქვეყანა ემატება. მათ შორის არიან ლიეტუვა, სინგაპური, კატარი, სლოვენია.

არ გადაყაროთ მანდარინის ქერქი - ის სხვადასხვა დაავადების სამკურნალოდ გამოგადგებათ>>

მანდარინის შესყიდვის ფასი წელს 60 თეთრიდან 1,5 ლარამდე მერყეობს.

მთავარი თემები