22:44 04 აპრილი 2020
პირდაპირი ეთერი
  • EUR3.4134
  • 100 RUB4.1072
  • USD3.1576
ეკონომიკა
მოკლე ბმულის მიღება
საქართველოს სოფლის მეურნეობა (64)
13630

2020 წელს საქართველო ზეთისხილის საერთაშორისო საბჭოს თავმჯდომარე ქვეყანა იქნება და საბჭოს სხდომას თბილისი უმასპინძლებს

თბილისი, 27 ოქტომბერი - Sputnik. სიღნაღის რაიონში, სოფელ საქობოში, ზეთისხილის მოსავლის აღების და გადამუშავების საწარმოო პროცესი მიმდინარეობს, ნათქვამია საქართველოს გარემოს დაცვისა და სოფლის მეურნეობის სამინისტროს მიერ გავრცელებულ განცხადებაში.

უწყების ცნობით,  ზეთისხილის ბაღები და გადამამუშავებელი საწარმო ჰოლანდიურ-თურქული ინვესტიციით და სახელმწიფო პროექტის „სოფლის მეურნეობის პროდუქციის გადამამუშავებელი საწარმოების თანადაფინანსება“ მხარდაჭერით შეიქმნა.

ზეთისხილის აღებისა და გადამუშავების პროცეს სგარემოს დაცვისა და სოფლის მეურნეობის მინისტრი ლევან დავითაშვილი დაესწრო.

„მსოფლიოში ჯანსაღ კვებაზე მოთხოვნის ზრდის შესაბამისად იზრდება ზეთისხილის პოპულარობა. ამ პროდუქტს დიდი საექსპორტო პოტენციალი გააჩნია. პროექტის „დანერგე მომავალი” ფარგლებში, საქართველოში ზეთისხილის პლანტაციები უკვე გაშენებულია. ვფიქრობ, მომავალში ამ აგრარული კულტურის წარმოება კიდევ უფრო განვითარდება. ზოგადად, საქართველოში აგრარული დარგის ძლიერი მხარეა მეხილეობა; ზეთისხილის კულტურა, ძალიან დიდ წვლილს შეიტანს მეხილეობის განვითარებაში", - განაცხადა მინისტრმა.

სამინისტროს ინფორმაციით, საწარმოში 800 ადამიანია დასაქმებული, ხოლო განხორციელებული ინვესტიციების ჯამური რაოდენობა 5 მილიონი ლარია. დღეისათვის, ბაღი 1000 ჰექტარზე მეტ ფართობზეა გაშენებული; სამომავლოდ, ფართობების გაორმაგება კომპანიასთან „კახური ტრადიციული მეურნეობა“ ერთადაა დაგეგმილი.

„ზეთისხილის საწარმო თანამედროვე ტექნოლოგიებითაა აღჭურვილი, რაც უმაღლესი ხარისხის კონკურენტუნარიანი ქართული პროდუქციის წარმოების საშუალებას იძლევა. ცივი გამოხდის მეთოდით მიღებული ზეითუნის ზეთი და საპონი კომპანიის ძირითადი პროდუქციაა, რომლის რეალიზაციაც ადგილობრივ და საერთაშორისო ბაზარზე ხდება“, -აღნიშნულია განცხადებაში.

აღსანიშნავია, რომ ქალაქ მარაკეშში, მიმდინარე წელს გამართული ზეთისხილის საერთაშორისო საბჭოს სხდომაზე ოფიციალურად მიიღეს გადაწყვეტილება საქართველოს ზეთისხილის საერთაშორისო საბჭოში გაწევრიანებასთან დაკავშირებით. 2020 წელს საქართველო ზეთისხილის საერთაშორისო საბჭოს თავმჯდომარე ქვეყანა იქნება და საბჭოს სხდომას თბილისი უმასპინძლებს.

თემები:
საქართველოს სოფლის მეურნეობა (64)

მთავარი თემები