15:25 07 აპრილი 2020
პირდაპირი ეთერი
  • EUR3.4295
  • 100 RUB4.1547
  • USD3.1740
ეკონომიკა
მოკლე ბმულის მიღება
საქართველოს სოფლის მეურნეობა (64)
4410

მხარეებს შორის აგრარულ დარგში თანამშრომლობის მიმართულებით, ურთიერთთანამშრომლობის მემორანდუმი პირველად  გაფორმდა.

თბილისი, 21 ოქტომბერი - Sputnik. საქართველოსა და ზემო ავსტრიას შორის სოფლის მეურნეობის დარგში ურთიერთთანამშრომლობის მემორანდუმი გაფორმდა, იუწყება გარემოს დაცვისა და სოფლის მეურნეობის სამინისტრო.

მემორანდუმის ფარგლებში, ავსტრიელი სპეციალისტები მარცვლეული კულტურების ახალი ჯიშების საქართველოში დანერგვისა და გამოცდის მიმართულებით ქართველ კოლეგებს ცოდნას გაუზიარებენ.

მხარეებს შორის თანამშრომლობა გაღრმავდება მარცვლეული კულტურების პროდუქტიულობის გაზრდის, მეთესლეობის დარგის განვითარების, ცხოველთა ჯანმრთელობის დაცვის, ტყისა და მთის მდგრადი მართვისა და დარგობრივი განათლების მიმართულებითაც.

დოკუმენტს ხელი საქართველოს სოფლის მეურნეობის მინისტრმა ლევან დავითაშვილმა და ზემო ავსტრიის სოფლის მეურნეობის მინისტრმა მაქს ჰეიგელსბერგერმა მოაწერეს.

„მემორანდუმის ფარგლებში, ჩვენ გავაღრმავებთ თანამშრომლობას როგორც ცოდნის გაზიარების, ისე დარგობრივი საქმიანობის კუთხით. ვფიქრობ, ეს თანამშრომლობა მჭიდრო და წარმატებული იქნება“, - აღნიშნა გარემოს დაცვისა და სოფლის მეურნეობის მინისტრი ლევან დავითაშვილმა.

მაქს ჰეიგელსბერგის განცხადებით, საქართველო ევროპული ქვეყანაა და მას ავსტრიასთან ბევრი საერთოც აქვს.

„დღეს, საქართველოში ვიმყოფებით, რომ დაგიდასტუროთ ჩვენი მხარდაჭერა არაერთი მიმართულებით. ჩვენ ქვეყნებს ბევრი რამ აქვს საერთო, მათ შორის მცირე მეურნეობები“, - განაცხადა ზემო ავსტრიის სოფლის მეურნეობის მინისტრმა.

ჰეიგელსბერგის განცხადებით, მემორანდუმის ფარგლებში მხარეებს შესაძლებლობა ექნებათ განათლების, აგროტურიზმის და ბიომასის წარმოების განვითარების მიმართულებით წარმატებულად ითანამშრომლონ.

გარემოს დაცვისა და სოფლის მეურნეობის სამინისტროში გამართულ შეხვედრას ავსტრიის ელჩი საქართველოში არად ბენკო, ავსტრიის განვითარების სააგენტოს თბილისი ოფისის ხელმძღვანელი გერჰარდ შაუმბერგერი, მინისტრის მოადგილეები იური ნოზაძე, ხატია წილოსანი და შესაბამისი სამსახურის წარმომადგენლები ესწრებოდნენ.

თემები:
საქართველოს სოფლის მეურნეობა (64)

მთავარი თემები