თბილისი, 4 ივნისი — Sputnik. წითელი ნახევრად მშრალი ღვინო „ქინძმარაული" ყველაზე პოპულარული ქართული ღვინოა საზღვარგარეთ. ამ ღვინის ექსპორტმა 2019 წლის იანვარ-მაისში 6 მილიონ ბოთლზე (0,75 ლიტრი) მეტი შეადგინა, ნათქვამია ღვინის ეროვნული სააგენტოს განცხადებაში.
ყურძენი, რომლითაც „ქინძმარაულს" აყენებენ, მოდის ადგილზე, სადაც ალაზანს მდინარე დურუჯი ერთვის. ვენახების ფართობი სულ 120 ჰექტარია.
მთლიანობაში, 2019 წლის დასაწყისიდან საქართველომ ექსპორტზე მსოფლიოს 39 ქვეყანაში 87 მილიონი აშშ დოლარის ღირებულების 33,6 მილიონი ბოთლი ღვინო გაიტანა. ექსპორტირებული ღვინის საერთო ღირებულება (87 მლნ დოლარი) გასული წლის იანვარ-მაისის მონაცემებზე 16%-ით მეტია.
ქვეყნების ხუთეულს შორის, რომლებიც ქართული ღვინის მიწოდების მხრივ ლიდერობენ, პირველ ადგილზეა რუსეთი.
ქართულ ღვინოს უფრო მეტს ყიდულობენ აშშ (+126%), საფრანგეთი (+91%), ისრაელი (+72%), ლიეტუვა (+57%), ბელარუსი (+47%) და სხვ.
ქართული ღვინის ექსპორტი 2019 წლის დასაწყისიდან სხვადასხვა მოცულობით 203-მა კომპანიამ განახორციელა.
საქართველოში ქვევრის ღვინის საერთაშორისო კონკურსი გაიმართება>>
ასევე იზრდება მსოფლიოში ქართული ჭაჭისა და ბრენდის პოპულარობა – წლის დასაწყისიდან ბრენდის ექსპორტი გაიზარდა 60%-ით, ხოლო ჭაჭის – 61%-ით.
აღნიშნულ პერიოდში, 2019 წლის იანვრიდან მაისის ჩათვლით ბრენდი ექსპორტირებული იყო მსოფლიოს 17 ქვეყანაში, ხოლო ჭაჭა – 19 ქვეყანაში.
