აგროპროდუქციის ექსპორტმა საქართველოდან 2018 წელს რეკორდულ მაჩვენებლებს მიაღწია

© photo: Sputnik / Aleksey Kudenko / გადასვლა მედიაბანკშიმინერალური წყალი "ბორჯომი"
მინერალური წყალი ბორჯომი - Sputnik საქართველო
გამოწერა
საქართველოს, ტრადიციული ღვინის გარდა, ექსპორტზე ასევე გააქვს სოფლის მეურნეობის სხვა პროდუქცია.

თბილისი, 11 თებერვალი – Sputnik. საქართველომ 2018 წელს სასოფლო-სამეურნეო პროდუქციის ექსპორტის მოცულობის მხრივ ახალი რეკორდი დაამყარა, აღნიშნულია გარემოს დაცვისა და სოფლის მეურნეობის სამინისტროს Facebook-გვერდზე გამოქვეყნებულ განცხადებაში.

წინასწარი მონაცემებით, 2018 წელს საქართველოდან გაიტანეს 959,2 მლნ აშშ დოლარის ღირებულების აგროპროდუქცია, რაც 2017 წლის მაჩვენებელზე 23,2%-ით მეტია.

საზღვარგარეთ ყველაზე მეტი პოპულარობით ქართული აგრარული პროდუქციიდან სარგებლობს ღვინო, მინერალური და მტკნარი წყალი, ასევე ცხვრისა და თხის ხორცი.

კომპანია Ajara Textile-ის საკერავი საამქრო - Sputnik საქართველო
მაისურები, სუნამოები, ცოცხები: უცნაური და ორიგინალური ექსპორტი საქართველოდან

კერძოდ, 2018 წელს საქართველოდან გაიტანეს თითქმის 197 მლნ დოლარის ღირებულების ქართული ღვინო, რაც 2017 წლის მაჩვენებელთან შედარებით 14,9%-ით მეტია.

მინერალური და მტკნარი წყლის ექსპორტმა 2018 წელს დაახლოებით 110,2 მლნ დოლარი შეადგინა, ანუ 15%-ით მეტი, ვიდრე 2017 წელს.

ცხვრისა და თხის ხორცი 2018 წელს გაიტანეს 36,4 მლნ დოლარზე მეტი ღირებულების, რაც 2017 წლის მაჩვენებელთან შედარებით 53,2%-ით მეტია.

ამას გარდა, 54%-ით გაიზარდა უალკოჰოლო გაზირებული სასმელების ექსპორტი, ხოლო სპირტიანი სასმელების – 2%-ით.

საქართველომ 2018 წელს მორიგი რეკორდი დაამყარა ყველა მაჩვენებლით, მათ შორის, ექსპორტის მხრივაც. ქართული პროდუქციის ექსპორტი, 2017 წელთან შედარებით, გაიზარდა 22,9%-ით და დაახლოებით 3,4 მილიარდი დოლარი შეადგინა.

ყველა ახალი ამბავი
0