თბილისი, 18 იანვარი — Sputnik. საქართველომ 2018 წელს რუსეთიდან 292,2 ათასი ტონა ბენზინი შემოიტანა, რაც მთელი იმპორტის 26,6%-ს შეადგენს, ნათქვამია საქართველოს ნავთობპროდუქტების იმპორტიორთა კავშირის განცხადებაში.
რუსეთი საწვავის ყველაზე დიდი მომწოდებელია 2018 წელს. მის შემდეგ მოდიან რუმინეთი, თურქმენეთი, აზერბაიჯანი და ა.შ.
რუსეთმა ჩაანაცვლა რუმინეთი, რომელიც საქართველოში საწვავის მოწოდების მხრივ ბოლო რამდენიმე წელი ლიდერობდა.
ნავთობპროდუქტების იმპორტმა 2018 წელს 1 098,9 ათასი ტონა შეადგინა, რაც 2017 წლის მონაცემებზე 3,1%-ით მეტია.
სულ ბენზინის იმპორტმა გასულ წელს შეადგინა 542 ათასი ტონა, რაც, 2017 წელთან შედარებით, 1,7%-ით მეტია, ხოლო დიზელის საწვავის იმპორტმა – 556,9 ათასი ტონა, რაც 1,1%-ით ნაკლებია.
ბენზინის იმპორტის 70% 2018 წელს მოდის რეგულარის მარკის საწვავზე (А-91), 28,5% – პრემიუმზე (А-95), 1,4% – სუპერზე (А-98).
საქართველოში ბენზინი ტყვიის შემცველობაზე შეამოწმეს>>
ამჟამად ბრენდირებული ავტოგასამართი სადგურების ქსელში საშუალო ფასი ერთ ლიტრზე არის: ბენზინი სუპერი – 2,58-2,69 ლარი, პრემიუმი – 2,48-2,57 ლარი, რეგულარი – 2,35-2,49, ევრო დიზელი – 2,53-2,63 ლარი, დიზელი – 2,40-2,53 ლარი. მიმდინარე კურსი: 1 აშშ დოლარი – 2,6 ლარი.
