06:17 25 სექტემბერი 2018
პირდაპირი ეთერი
  • EUR3.0868
  • 100 RUB3.9814
  • USD2.6226
ფოთის პორტში

საქართველოდან ექსპორტი თითქმის მესამედით გაიზარდა

© Sputnik / Alexander Imedashvili
ეკონომიკა
მოკლე ბმულის მიღება
საქართველოს ეკონომიკა (388)
5010

საქონლის ექსპორტის ზრდა, რომელიც როგორც შიდა, ისე გარე დადებითი ტენდენციებით არის განპირობებული, 2016 წლის სექტემბრიდან ფიქსირდება

თბილისი, 14 აპრილი — Sputnik. საქართველო წარმატებულ ვაჭრობას აგრძელებს — 2017 წლის იანვარ-მარტთან შედარებით 2018 წლის პირველ კვარტალში პროდუქციის ექსპორტი 28,4%-ით გაიზარდა და 740,3 მილიონ დოლარს გაუტოლდა, ნათქვამია „საქსტატის“ მასალებში.

2018 წლიდან საქართველოში იმპორტიც გაიზარდა — წინასწარი მონაცემებით, მისი მოცულობა დაახლოებით 2,1 მილიარდ დოლარს შეადგენს, რაც 2017 წლის პირველ კვარტალთან შედარებით 21,6%-ით მეტია.

საქართველოს საგარეო სავაჭრო ბრუნვა 2018 წლის იანვარ-მარტში 2017 წლის იმავე პერიოდთან შედარებით 23,4%-ით გაიზარდა და 2,8 მილიარდ დოლარს გაუტოლდა (არაორგანიზებული ვაჭრობის ჩათვლის გარეშე).

საქართველოს უარყოფითმა საგარეო ბალანსმა 2018 წლის პირველ კვარტალში 1,3 მილიონ დოლარზე მეტი შეადგინა, რაც საგარეო სავაჭრო ბრუნვის 47,6%-ს წარმოადგენს.

ეკონომიკისა და მდგრადი განვითარების სამინისტროს მონაცემებით, საქონლის ექსპორტის ზრდა როგორც შიდა, ისე გარე დადებითი ტენდენციებით არის განპირობებული.

წელს ქართულმა ღვინომ უფრო მეტი უცხოელი მომხმარებლის გული დაიპყრო >>

ეკონომიკის სამინისტროში მიიჩნევენ, რომ ქართული საექსპორტო პროდუქციის დივერსიფიკაციაზე დადებითად აისახება თავისუფალი ვაჭრობის შესახებ შეთანხმებებზე მიმდინარე და წარმატებულად დასრულებული მოლაპარაკებები, რომელსაც საქართველოს მთავრობა ახორციელებს.

Потийский порт

თემები:
საქართველოს ეკონომიკა (388)

მთავარი თემები