14:25 21 სექტემბერი 2020
პირდაპირი ეთერი
  • EUR3.8057
  • 100 RUB4.2817
  • USD3.2140
ეკონომიკა
მოკლე ბმულის მიღება
48 0 0

საქართველოს გამოცდილების გაზიარება მსოფლიო ბანკის რეკომენდაციაა.

თბილისი, 19 აგვისტო — Sputnik. ყაზახეთის ცენტრალური ბანკის დელეგაცია თბილისში საქართველოს ეროვნული ბანკის საკასო ცენტრის საქმიანობის გასაცნობად და გამოცდილების გასაზიარებლად ჩამოვიდა.

ეროვნული ბანკის საკასო ცენტრი, რომელიც 2012 წელს გაიხსნა, ერთადერთია პოსტსაბჭოთა სივრცეში, რომელიც უსაფრთხოების თანამედროვე ტექნოლოგიებითაა აღჭურვილი და სრულად შეესაბამება საერთაშორისო სტანდარტებს.

სებ-ის აღმასრულებელმა დირექტორმა გიორგი მელაშვილმა სტუმრებს საკასო ცენტრის სპეციალიზებული შენობა დაათვალიერებინა და იმ უნიკალური შესაძლებლობების თაობაზე მოუთხრო, რომელიც მას გააჩნია.

საქართველოს ეროვნული ბანკის საკასო ცენტრის შენობა
Sputnik/ Alexander Imedashvili
საქართველოს ეროვნული ბანკის საკასო ცენტრის შენობა

საკასო ცენტრის თანამშრომლებმა ყაზახ კოლეგებს საკასო ოპერაციების გამოცდილება გაუზიარეს და უსაფრთხოების ნორმები გააცნეს. გარდა ამისა, სხვა მნიშვნელოვანი ასპექტების შესახებაც ესაუბრნენ, რაც მათ აღნიშნული პროექტის რეალიზებაში დაეხმარება.

სებ-ში განხორციელებული რეფორმების გაზიარების სურვილი ბევრმა ქვეყანამ გამოთქვა. ამ მიზნით თბილისში უკვე იმყოფებოდა არაერთი დელეგაცია აზიის, აფრიკის, აღმოსავლეთ ევროპისა და დსთ-ის ქვეყნებიდან. ვიზიტორი ქვეყნების დიდი ნაწილი საქართველოში მსოფლიო ბანკის რეკომენდაციით იყო ჩამოსული.

მთავარი თემები