ნანი ბრეგვაძე 85 წლის იუბილეს სოლო კონცერტით აღნიშნავს

© Facebook / Tbilisi City Hallნანი ბრეგვაძე
ნანი ბრეგვაძე - Sputnik საქართველო, 1920, 07.07.2021
გამოწერა
მომღერლის იუბილესადმი მიძღვნილი ღონისძიებები წინანდლიდან დაიწყება და სექტემბერში თბილისის დიდ საკონცერტო დარბაზში შემაჯამებელი კონცერტით დასრულდება.
თბილისი, 7 ივლისი – Sputnik. ლეგენდარული ქართველი მომღერალი ნანი ბრეგვაძე 85 წლის იუბილეს სოლო კონცერტით აღნიშნავს, რომელიც წინანდალში, ალექსანდრე ჭავჭავაძის სახლ-მუზეუმის ტერიტორიაზე 21 ივლისს გაიმართება.
მომღერალს აკომპანირებას გაუწევს პიანისტი, დირიჟორი და კომპოზიტორი ნიკოლოზ რაჭველი.
ნანი ბრეგვაძე 1936 წლის 21 ივლისს დაიბადა თბილისში. მამა – გიორგი ბრეგვაძე პროფესიით მსახიობი იყო. დედა – ოლგა მიქელაძე ცნობილი დიდგვაროვანთა ოჯახის წარმომადგენელი. 
ნანი ბრეგვაძე, ეკა მამალაძე და ნატალია ქუთათელაძე - Sputnik საქართველო, 1920, 16.12.2020
ნანი ბრეგვაძის შვილიშვილით პრესტიჟული საერთაშორისო სააგენტო Askonas Holt-ი დაინტერესდა
1961 წელს დაამთავრა თბილისის ვანო სარაჯიშვილის სახელობის სახელმწიფო კონსერვატორია. სასცენო მოღვაწეობა დაიწყო 1956 წელს. 1959–1964 წლებში ნანი ბრეგვაძე იყო საქართველოს სახელმწიფო საესტრადო ორკესტრი „რეროს“ სოლისტი, ამის შემდეგ 15 წელი მღეროდა ანსამბლ „ორერაში“, 1980 წლიდან კი სოლო კარიერა დაიწყო.
მსახიობი გადაღებულია ფილმებში „ორერა სრული სვლით“, „სამკაული სატრფოსთვის“. მისი შესრულებით სიმღერები გაჟღერებულია ფილმებში „დათა თუთაშხია“, „ვერის უბნის მელოდიები“, „შეხვედრა მთაში“ და ა.შ. 1974 წელს ნანი ბრეგვაძეს მიენიჭა საქართველოს სახალხო არტისტის წოდება. 2001 წელს ფილარმონიის წინ საზეიმოდ გაიხსნა მომღერლის სახელობის ვარსკვვლავი. დაჯილდოებულია ღირსების ორდენით.
მომღერლის მიერ მიღებული ჯილდოები, პრემიები და პრიზები:
1994 — საქართველოს სახელმწიფო პრემია
1983 — სსრკ სახალხო არტისტი
1974 — საქართველოს სახალხო არტისტი
1972 — საესტრადო სიმღერების სოპოტის საერთაშორისო ფესტივალი
1957 — ახალგაზრდობისა და სტუდენტთა VI მსოფლიო ფესტივალი (მოსკოვი), ლაურეატი.
ყველა ახალი ამბავი
0