თბილისში საკულტო რეჟისორების - ფელინის და გუერას ასი წლის იუბილეს აღნიშნავენ

© photo: Sputnik / Ruslan Krivobok / გადასვლა მედიაბანკშიფელინის გამოფენის გახსნა
ფელინის გამოფენის გახსნა - Sputnik საქართველო
გამოწერა
კინოს ლეგენდარული მეტრების შედევრების ნახვა შესაძლებელი იქნება საქართველოს ეროვნული მუზეუმის შიდა ეზოში

თბილისი, 8 ოქტომბერი — Sputnik. თბილისში, აღინიშნება საკულტო იტალიელი კინორეჟისორების და სცენარისტების - ფედერიკო ფელინის და ტონინო გუერას ასი წლის იუბილე - თბილისის საერთაშორისო კინოფესტივალის ფარგლებში მათი ცნობილი ფილმების კინოჩვენებები იმართება.

რეჟისორების შემოქმედების საღამოები სიმონ ჯანაშიას სახელობის ეროვნული მუზეუმის შიდა ეზოში გაიმართება. დამთვალიერებლებს ელოდება ფოტოგამოფენა, სადაც ფელინის ფილმ „რვა ნახევრის“ გადაღების დროს აღბეჭდილი ფოტოებია გამოფენილი.

კადრი ფილმიდან „დასაწყისი” - Sputnik საქართველო
ოსკარზე წარსადგენად წელს სამი ქართული ფილმი იბრძოლებს

დღეს გაიმართება კომედიური დრამა „ამარკორდის“ ჩვენება, რომლის სცენარი ფელინიმ გუერასთან ერთად დაწერა.

ხვალ, 9 ოქტომბერს, მუზეუმის ეზოში იქნება ნაჩვენები ქართველი რეჟისორის, მიხეილ მრევლიშვილის დოკუმენტური ფილმი „გამარჯობა, ქარი ქრის". ფილმი, რომელიც ეძღვნება იტალიელ პოეტს, დრამატურგსა და საზოგადო მოღვაწეს ტონინო გუერას, მოიცავს ნაწყვეტებს მისი ბიოგრაფიიდან და აერთიანებს დოკუმენტურ მასალებს, რომლებიც მრევლიშვილმა და მისმა შემოქმედებითმა ჯგუფმა როგორც მაესტროს სიცოცხლეში, ისე მისი გარდაცვალების შემდეგ გადაიღო.

ბოლო დღეს, 10 ოქტომბერს მაყურებელი ნახავს ფედერიკო ფელინის 1960 წლის ლეგენდარულ ფილმს „ტკბილი ცხოვრება“. ფილმები იტალიურ ენაზე ქართული სუბტიტრებით გავა.

ყველა ახალი ამბავი
0