10:44 24 ოქტომბერი 2020
პირდაპირი ეთერი
  • EUR3.8137
  • 100 RUB4.2174
  • USD3.2202
კულტურა
მოკლე ბმულის მიღება
სელებრითების ცხოვრება (2230)
401 0 0

„ჩემი ცოლის დაქალების“ ყოფილი მსახიობი თამამი განცხადებებით გამოირჩევა. სერიალის პერსონაჟ „ანკას“ თინას ხშირად ადარებდნენ, ბევრი კი მიიჩნევდა, რომ მსახიობი საკუთარ თავს განასახიერებდა.

თბილისი, 17 დეკემბერი — Sputnik. მსახიობი თინა მახარაძე სოციალურ ქსელში წერს, რომ ამერიკულ-ქართული მხატვრული ფილმისთვის 25-35 წლის მამაკაცს ეძებენ. მსახიობი წერს, რომ ფილმი არის ქართველ გეი არტისტზე, რომელიც ემზადება თავისი პირველი მასტერფისის პრემიერისთვის ნიუ-იორკში.

„სამსახიობო გამოცდილება არის აბსოლუტურად უმნიშვნელო! ყურადღება ექცევა ადამიანის პერსონალურ ნიშან-თვისებებს და იმას, თუ რამდენად მაგარი არტისტია რეალურ ცხოვრებაში (მხატვარი, ფეშენ დიზაინერი, ა.შ. ა.შ) ვეძებთ ბიჭს/ახალგაზრდა კაცს, რომელიც არის სრულიად უნიკალური და არ ჰგავს არავის სხვას; როლზე გამოხმაურება შეუძლია ყველას, ვინც ცხოვრობს ნიუ-იორკში, ან საქართველოში და აქვს ამერიკის მოქმედი ვიზა. საქართველოდან თუ შევარჩევთ არტისტს, დავუფინანსებთ მგზავრობის და ცხოვრების ყველა ხარჯს. დაინტერესების შემთხვევაში, შეგიძლიათ, მომწეროთ პირდაპირ ინბოქსში. გთხოვთ, გაავრცელოთ მაქსიმალურად. დიდი მადლობა“, – წერს თინა მახარაძე.

თინა მახარაძემ საზოგადოებას თავი ეპატაჟურობით დაამახსოვრა. მან რეიტინგულ გადაცემებში „მძიმე კაცთან“ და „პროფილი“ საზოგადოებაში დამკვიდრებული სტერეოტიპული აზრების თავისებური ინტერპრეტაცია გააკეთა და მეორე დღეს მთელი თბილისი აალაპარაკა. თინა ნიუ-იორკში, ბრუკლინში ცხოვრობს. მისი ამერიკაში გამგზავრების მიზეზი რეჟისურაზე სწავლა გახდა. მსახიობი ბარი ფაირშტეინის კინოსკოლაში (Barry R. Feirstein Graduate School of Cinema) სამწლიან სარეჟისორო პროგრამას შეისწავლის. როგორც ირკვევა, სწავლა „განათლების საერთაშორისო ცენტრის” სახელმწიფო ბიუჯეტმა დაუფინანსა. თინა ხშირად აქვეყნებს გადაღების პროცესებს და Instagram-ით ირკვევა, რომ დიდი წარმატებითა და მონდომებით უდგება გადაღების პროცესს.

გამომწვევი, სექსუალური და ინტიმური ხასიათის პოსტებით თინა მახარაძე პოპულარობას არ კარგავს. მისი იმიჯი დიდი ხანია საზოგადოების ყურადღებას იქცევს. თავისუფალი სტილი და მსახიობის ცხოვრების წესი ბევრ ადამიანს აინტერესებს, ბევრს კი აღიზიანებს. თინა დაახლოებით ორი წელი ხვდებოდა „მასტერშეფის“ კონსკურსანტს დიმუ მენაბდეს, თუმცა, როგორც გაირკვა, მათი რომანი დიმუს ყოფილმა ცოლმა დაანგრია. ახლა თინას ახალი შეყვარებული ჰყავს ამერიკაში – გაი ვერნეკი, რომელთან ერთადაც, როგორც თინას სოციალური ქსელის გვერდებიდან ირკვევა, არაჩვეულებრივ დროს ატარებს.

თემები:
სელებრითების ცხოვრება (2230)

მთავარი თემები