23:32 06 აგვისტო 2020
პირდაპირი ეთერი
  • EUR3.6398
  • 100 RUB4.2064
  • USD3.0739
კულტურა
მოკლე ბმულის მიღება
ქართველი დიზაინერები მსოფლიო ასპარეზზე (47)
6110

ჰოლივუდის დახვეწილმა ვარსკვლავმა Balenciaga-ს შავი კაბა ახალი ფილმის „პატარა ქალები“ პრემიერაზე მოირგო

თბილისი, 10 დეკემბერი — Sputnik. ახალი თაობის ერთ-ერთმა ყველაზე დახვეწილმა მსახიობმა ემა უოტსონმა Balenciaga-ს კაბა მოირგო, ამის შესახებ ქართველმა დიზაინერმა დემნა გვასალიამ თავის Instagram-გვერდზე დაწერა.

დემნა გვასალია: „ზემფირა – ჩემი პირველი სიყვარულია“ >>

ორშაბათს მსახიობი დაესწრო ახალი ისტორიული დრამის Little Women (პატარა ქალები) პრემიერას, რომელიც მანჰეტენზე თანამედროვე ხელოვნების მუზეუმში გაიმართა. საღამოსთვის ემამ 2020 წლის გაზაფხული-ზაფხულის კოლექციიდან შავი კაბა აირჩია.

მაგრამ ემა უოტსონი არ იქნებოდა ემა უოტსონი, რომ „ლუქში“ საკუთარი შტრიხი არ შეეტანა. მსახიობმა კაბის ბოლო აწია და ზამშის შავი ჩექმა-წინდა გამოაჩინა, ასევე ზღვის ნიჟარის ფორმის პატარა შავი კლატჩი დაამატა.

მოდის სახლი Balenciaga 1919 წელს ესპანელმა დიზაინერმა კრისტობალ ბალენსიაგამ დააფუძნა. 1937 წელს, ესპანეთის სამოქალაქო ომის დროს ატელიე პარიზში გადავიდა. დღეს ბრენდი ფრანგულ კომპანია Kering-ის კუთვნილებაა.

დემნა გვასალიამ სახელი მოდის სამყაროში მისი „მოდური გადატრიალების“ წყალობით გაითქვა. გვასალიას თითოეული კოლექცია თვალის დახამხამებაში იყიდება, რადგან დემნას სამოსი – აბსოლუტური თავისუფლების სიმბოლოა.

გვასალიას პოპულარობა დღითიდღე იზრდება, ხოლო თითოეული კოლექცია სეზონის ჰიტი ხდება. დემნა გვასალიას მოდელები უკვე მოირგეს ცნობილმა სახეებმა რიანამ, სელინ დიონმა, კანიე უესტმა, კიმ კარდაშიანმა და სხვებმა.

თემები:
ქართველი დიზაინერები მსოფლიო ასპარეზზე (47)

მთავარი თემები