მსოფლიო ხელისგულზე - Sputnik საქართველო
მსოფლიო დღეს
მსოფლიოში მიმდინარე უახლესი ახალი ამბები, მსოფლიოს წინაშე მდგარი გამოწვევები, აქტუალური თემები, მიმოხილვა და ანალიზი იხილეთ Sputnik საქართველოს ვებგვერდზე.

ეძღვნება გია ყანჩელს: კიევში ქართული კინოს ფესტივალი იხსნება

© courtesy of Vivacelloგია ყანჩელი
გია ყანჩელი - Sputnik საქართველო
გამოწერა
წელს საიუბილეო კინოფესტივალი დიტო ცინცაძის ფილმ „შინდისით“ გაიხსნება. შემდგომ დღეებში კი მაყურებელი სხვა ფილმებს – თინათინ ყაჯრიშვილის „ჰორიზონტს“, გიგიშა აბაშიძის „მეზობლებს“...

თბილისი, 22 ნოემბერი — Sputnik. ახალი ქართული კინოს ფესტივალი, რომელიც მეთხუთმეტედ ტარდება კიევში 22-27 ნოემბერს, ლეგენდარული კომპოზიტორის გია ყანჩელისა და ასევე შინდისის გმირების ხსოვნას ეძღვნება იგივე სახელწოდების ფილმიდან, რომელიც „ოსკარზეა“ წარდგენილი, ნათქვამია ორგანიზატორების განცხადებაში.

კინოჩვენება უკრაინული საზოგადოების თანამედროვე ქართულ კინემატოგრაფთან გაცნობას ემსახურება. 

ოსკარის ქანდაკება - Sputnik საქართველო
დიტო ცინცაძის „შინდისი“ ამერიკული „ოსკარისთვის“ იბრძოლებს

ღონისძიების ორგანიზატორები არიან სრულიად უკრაინის საზოგადოებრივი გაერთიანება „გეორგია“ და უკრაინის ქართველთა ასოციაცია „იბერიელი“, რომელთაც მხარს უჭერს საქართველოს კინემატოგრაფიის ეროვნული ცენტრი და ასევე უკრაინაში საქართველოს საელჩო.

წელს საიუბილეო კინოფესტივალი დიტო ცინცაძის ფილმ „შინდისით“ გაიხსნება. შემდგომ დღეებში კი მაყურებელი იხილავს სხვა ფილმებს – თინათინ ყაჯრიშვილის „ჰორიზონტს“, გიგიშა აბაშიძის „მეზობლებს“, ნინო ჟვანიას „აღლუმს“, მარიამ ხაჭვანის „დედეს“ და სხვ.

აღსანიშნავია, რომ კინოფესტივალზე ნაჩვენები იქნება თეო ჯორბენაძის დოკუმენტური სურათი „სევდის ანგელოზები“, რომელიც გია ყანჩელის ცხოვრებასა და შემოქმედებას ეძღვნება.

ფესტივალის სტუმრებს შორის იქნებიან საქართველოს საგანგებო და სრულუფლებიანი ელჩი უკრაინაში თეიმურაზ შარაშენიძე, ცნობილი რეჟისორები და მსახიობები, საქართველოსა და უკრაინის დიპლომატიური მისიების, ასევე საზოგადოებრივი და კულტურული ორგანიზაციების წარმომადგენლები.

კიევის გარდა კინოფესტივალი ტარდება სხვა ქალაქებშიც – დნეპრში, ხარკოვში, ოდესაში, ლვოვსა და ხერსონში.

 

ყველა ახალი ამბავი
0