01:17 09 დეკემბერი 2019
პირდაპირი ეთერი
  • EUR3.2690
  • 100 RUB4.6218
  • USD2.9466
კერამიკული ნამუშევრები

თბილისში საავტორო კერამიკის გამოფენა გაიმართება

© photo: Sputnik /
კულტურა
მოკლე ბმულის მიღება
საქართველო და კულტურა (607)
37 0 0

ექსპოზიციის ორგანიზატორ რვა მხატვარს საქართველოს დედაქალაქში კერამიკის პირველი მუზეუმის გახსნა სურს.

თბილისი, 12 ნოემბერი — Sputnik. საქართველოს სიმონ ჯანაშიას ეროვნულ მუზეუმში 13 ნოემბერს ქართველი ოსტატების კერამიკული ნამუშევრების გამოფენა გაიხსნება, ნათქვამია ღონისძიების განცხადებაში.

გამოფენის მიზანია დამთვალიერებელს გააცნოს კერამიკის ხელოვნება და ასევე მოამზადოს ნიადაგი თბილისში პირველი კერამიკული მუზეუმის გახსნისთვის.

კერამიკის მუზეუმის გახსნის იდეის გარშემო რვა ქართველი მხატვარი გაერთიანდა: მალხაზ შველიძე, ნატო ერისთავი, გიგიშა პაჭკორია, ლია ბაგრატიონი, ლალი ქუთათელაძე, ოთარ ვეფხვაძე, მერაბ გუგუნაშვილი, ილია ბიგანიშვილი.

ხელოვანები სტუმრებს გააცნობენ კერამიკას, მის ისტორიას, მასალის თვისებებსა და შესაძლებლობებს. მხატვრებს უყვართ კერამიკაზე მუშაობა, რადგან მისი პლასტიკურობა ფანტაზიის უნარის გამოვლენის საშუალებას იძლევა.

გამოფენაზე საქართველოს ეროვნული მუზეუმის კოლექციიდან წარმოდგენილი იქნება დმანისში აღმოჩენილი შუა საუკენეების კერამიკული ნაკეთობები. განსაკუთრებულ ადგილს დაიკავებს კერამიკოსი ალდე კაკაბაძის ნამუშევარი "მარანი – საქართველო".

გამოფენა 9 დეკემბრამდე გაგრძელდება. პრეზენტაციაზე დასწრება თავისუფალია.

თემები:
საქართველო და კულტურა (607)

მთავარი თემები