ჰააგის უძველესი ეკლესიის სამრეკლოდან გია ყანჩელის „ყვითელი ფოთლები“ აჟღერდა

CC BY-SA 2.0 / Ciao Anita! / Grote of St.Jacobskerkჰააგის უძველესი ეკლესია
ჰააგის უძველესი ეკლესია - Sputnik საქართველო
გამოწერა
გია ყანჩელი, რომელმაც უდიდესი წვლილი შეიტანა ქართულ მუსიკალურ ხელოვნებაში, 84 წლის ასაკში 2 ოქტომბერს გარდაიცვალა.

თბილისი, 4 ოქტომბერი — Sputnik. ნიდერლანდებში, ქალაქ ჰააგაში, წმ. იაკობის სახელობის უძველესი ეკლესიის სამრეკლოს ყველაზე მაღალი წერტილიდან დღეს, 4 ოქტომბერს აჟღერდა „ყვითელი ფოთლები“ და მელოდია ფილმიდან „შერეკილები“, ინფორმაციას ჰოლანდიაში საქართველოს საელჩო ავრცელებს.

„საქართველოს საელჩო ნიდერლანდების სამეფოში ღრმა მწუხარებას გამოხატავს დიდი ქართველი კომპოზიტორის გია ყანჩელის გარდაცვალების გამო“, – აღნიშნულია განცხადებაში, რომელსაც თან ვიდეო ახლავს.

გია ყანჩელი, რომელმაც უდიდესი წვლილი შეიტანა ქართულ მუსიკალურ ხელოვნებაში, 84 წლის ასაკში 2 ოქტომბერს გარდაიცვალა. მას დიდუბის მწერალთა და საზოგადო მოღვაწეთა პანთეონში შაბათს, 5 ოქტომბერს დაკრძალავენ.

კომპოზიტორი გია ყანჩელი - Sputnik საქართველო
ყანჩელის გარდაცვალებას მთელი მსოფლიოდან ცნობილი ადამიანები ეხმაურებიან

სამოქალაქო პანაშვიდი კომპოზიტორის სახლში (ტოვსტონოგოვის 6) 3 და 4 ოქტომბერს გაიმართება. ამ სახლში 1904 წლიდან ცხოვრობდა ყანჩელის ოჯახის ექვსი თაობა.

დიდ მაესტროს შოთა რუსთაველის სახელობის თბილისის სახელმწიფო დრამატული თეატრის შენობიდან 14:00 საათზე გამოასვენებენ.

გია ყანჩელი მრავალი სიმფონიური და კამერული ნაწარმოების ავტორია. დაწერილი აქვს მუსიკა დრამატული სპექტაკლებისთვის, ათეულობით კინოფილმისთვის, მათ შორის ისეთი პოპულარული ფილმებისთვის, როგორებიცაა „მიმინო", „შერეკილები", „არ დაიდარდო", „ქინ-ძა-ძა", „ცისფერი მთები ანუ დაუჯერებელი ამბავი" და სხვ.

ყველა ახალი ამბავი
0