05:17 04 ივნისი 2020
პირდაპირი ეთერი
  • EUR3.4087
  • 100 RUB4.4290
  • USD3.0416
კულტურა
მოკლე ბმულის მიღება
141 0 0

კინოაკადემიის პრეზიდენტის პოსტზე კენჭს  ორი კანდიდატი, სოსო ჯაჭვლიანი და ბუბა ხოტივარი  იყრიდა

თბილისი, 25 სექტემბერი - Sputnik. საქართველოს კინოაკადემიის პრეზიდენტად რეჟისორი რამაზ ( ბუბა)  ხოტივარი ოთხი წლის ვადით აირჩიეს, იუწყება საზოგადოებრივი მაუწყებლის პირველი არხი. 

კინოაკადემიის პრეზიდენტის პოსტი ვაკანტური მას შემდეგ გახდა, რაც ორი კვირის წინ, ყოფილმა არჩეულმა პრეზიდენტმა, ზაზა ურუშაძემ თანამდებობა  დატოვა.

საქართველოს კინოაკადემიაში დღეს  რიგგარეშე ყრილობა გაიმართა.  პრეზიდენტის პოსტზე კენჭს  ორი კანდიდატი, სოსო ჯაჭვლიანი და ბუბა ხოტივარი,  იყრიდა. ბუბა ხოტივარმა არჩევნებში მონაწილე აკადემიის წევრთა 106 ხმა აიღო, სოსო ჯაჭვლიანმა კი  63 ხმა მოაგროვა.

კინოაკადემიას სულ 294 წევრი ჰყავს,  არჩევნებზე კი  184 მონაწილე დარეგისტრირდა.

ბუბა ხოტივარი სხვადასხვა დროს  მუშაობდა საქართველოს ტელეფილმების სტუდიისა და კინოსტუდია "ქართული ფილმის" კინორეჟისორად. როგორც დამდგმელ რეჟისორს, გადაღებული აქვს დოკუმენტური და მხატვრული ფილმები: "ისლამი საქართველოში", "ლეხაიმ!", "მარკოზის სახარება", "ლაზარეს თავგადასავალი", "დიმიტრი II", "ჩირიკი და ჩიკოტელა". არის საქართველოს შოთა რუსთაველის სახელობის თეატრისა და კინოს სახელმწიფო უნივერსიტეტის სრული პროფესორი. კინორეჟისორი.

მთავარი თემები