თბილისი, 14 აგვისტო — Sputnik. მსოფლიოში ცნობილი როკ-ჯგუფი Thirty Seconds to Mars-ის პირველ კონცერტი საქართველოში სრული ანშლაგით ჩატარდა.
Black See Arena -ს საკონცერტო დარბაზის სცენაზე ჯგუფის ფრონტმენი ჯარედ ლეტო საქართველოს დროშით გამოვიდა და განაცხადა, რომ საქართველოს ჯერ კიდევ ათი წლის წინ უნდა წვეოდა.
Thirty Seconds to Mars-ის კონცერტი შეკვეთილის საკონცერტო დარბაზის ისტორიაში ნამდვილი მარგალიტი გახდა.
კონცერტს განსაკუთრებულობა შემატა იმანაც, რომ მუსიკოსებმა ორგანიზატორებს სცენის გაფართოება სთხოვეს, რის შედეგადაც, მაყურებელს საშუალება მიეცა მუსიკოსებთან ერთად ემღერათ და ეცეკვათ.
ჯგუფი Thirty Seconds to Mars ძმებ ჯარედ და შენონ ლეტოებმა ლოს-ანჯესესში, 1998 წელს დააარსეს. ჯგუფი მუსიკას ალტერნატიული როკის სტილში ასრულებს.
როკ-ბენდის შემოქმედებაზე დიდი გავლენა იქონია ისეთმა ვარსკვლავურმა ჯგუფებმა და შემსრულებლებმა, როგორებიც არიან Pink Floyd, Led Zeppelin, Nine Inch Nails, The Cure, Depeche Mode, Joy Division და Nirvana.
ჯარედ ლეტოს ხშირად უყვარს გამეორება: „Thirty Seconds To Mars — ეს არის Pink Floyd-ის გრანდიოზულობა Sex Pistols -ის ენერგიაში".
