00:13 23 ოქტომბერი 2019
პირდაპირი ეთერი
  • EUR3.3158
  • 100 RUB4.6607
  • USD2.9701
აქციების მესამე დღე პარლამენტთან

ილუსტრაცია-შედევრებად ქცეული თბილისური პროტესტი: დანიელი მხატვრის მთავარი ლაიტმოტივი

© Sputnik / Shota Nozadze
კულტურა
მოკლე ბმულის მიღება
საქართველო და კულტურა (470)
65 0 0

დანიელი მხატვარი ქალი საქართველოს პირველად 2016 წელს ეწვია და მას შემდეგ ქართული თემა მისი შემოქმედების ლაიტმოტივი გახდა.

თბილისი, 12 ივლისი — Sputnik. ახალგაზრდა დანიელი მხატვრის ლივია ვიქსნას (Livija Viksna) ნამუშევრების გამოფენა, რომლებშიც მხატვარმა თბილისში, პარლამენტის წინ საპროტესტო აქციების ყველაზე კაშკაშა მომენტები აღბეჭდა, გალერეა Untitled-ში შაბათს, 13 ივლისს გაიხსნება.

თბილისში მასობრივი საპროტესტო აქციები დაიწყო იმასთან დაკავშირებით, რომ 20 ივნისს საქართველოს პარლამენტის თავმჯდომარის სავარძელში რუსეთის სახელმწიფო სათათბიროს დეპუტატი, კომუნისტური პარტიის წევრი სერგეი გავრილოვი აღმოჩნდა. ოპოზიციის მიტინგი არეულობებში გადაიზარდა, რის შედეგად ასობით ადამიანი დაშავდა.

„ჩვენ არ მოგიყვებით იმის შესახებ, თუ რა მოხდა 20 ივნისს და მის შემდეგ თბილისში. უსახელო გალერეა სივრცეს უთმობს ლივია ვიქსნას, რომელმაც თბილისის პროტესტის აღსაწერად შექმნა გრაფიკული ნამუშევრები, რომლებიც, მისი საქართველოში არყოფნიდან გამომდინარე, დაფუძნებულია აქციებზე გადაღებულ სხვადასხვა ფოტოზე", – აღნიშნულია გამოფენის ორგანიზატორების განცხადებაში.

Иллюстрация датской художницы Ливии Виксна
ლივია ვიქსნას ილუსტრაცია

ექსპოზიცია Where do we go now? („ახლა საით?“) 18:00 საათზე გაიხსნება და სამი დღე იქნება გამოფენილი (15 ივლისის ჩათვლით).

ლივია ვიქსნა დანიის პატარა ქალაქ სილკებორგში დაიბადა. საქართველოს პირველად ის 2016 წელს ეწვია და რაჭა-ლეჩხუმისა და ქვემო სვანეთის რეგიონში მოხალისედ მუშაობაც მოასწრო. მოგვიანებით თბილისიც გაიცნო. საქართველო მხატვრის ცხოვრების არა მარტო ნაწილი, არამედ მისი შემოქმედების მთავარი ლაიტმოტივი გახდა.

Иллюстрация датской художницы Ливии Виксна
ლივია ვიქსნას ილუსტრაცია

მხატვარი ხატავს საინტერესო ილუსტრაციებს, რომლებზეც ასახულია საქართველოს ერთ-ერთი ყველაზე მიმზიდველი მხარე – გემრიელი ტრადიციული სამზარეულო, მდიდარი კულტურა და ისტორია, ასევე ხელოვნება და მოდა.

თემები:
საქართველო და კულტურა (470)

მთავარი თემები