10:08 21 სექტემბერი 2019
პირდაპირი ეთერი
  • EUR3.2860
  • 100 RUB4.6659
  • USD2.9759
ფილმის გადაღება

ქართული ფილმი „სანამ მამა დაბრუნდება" პერუში ფესტივალზე საუკეთესო ფილმად აღიარეს

© photo: Sputnik /
კულტურა
მოკლე ბმულის მიღება
საქართველო და კულტურა (376)
41 0 0

ფილმმა ორი ქისტი გოგონას ცხოვრების შესახებ „დოკუმენტური კინოს" კატეგორიაში გაიმარჯვა.

თბილისი, 13 ივნისი — Sputnik. ქართველი რეჟისორის მარიამ გულბიანის დოკუმენტური ფილმი „სანამ მამა დაბრუნდება" კინოფესტივალის Festival de cine Este პრიზიორი გახდა. ფესტივალი პერუში 29 მაისიდან 8 ივნისამდე პერიოდში ჩატარდა.

საქართველოს კინემატოგრაფიის ეროვნული ცენტრის ინფორმაციით, სურათმა პრიზი მიიღო „საუკეთესო დოკუმენტური ფილმის“ კატეგორიაში. სულ გამარჯვებისთვის ამ ნომინაციაში მსოფლიოს სხვადასხვა ქვეყნის ათი ფილმი იბრძოდა.

მარიამ გულბიანი კინემატოგრაფიის ეროვნული ცენტრის პროექტ „კინოსკოლის" გამარჯვებულია. „კინოსკოლის" ფარგლებში ახალგაზრდებს საქართველოს სასაზღვრო სოფლებიდან მიეცათ შესაძლებლობა, გაეგოთ თანამედროვე ქართული კინემატოგრაფიის შესახებ, ეთანამშრომლათ ცნობილ რეჟისორებთან და თვითონ დაეწერათ სცენარი.

Festival de cine Este – ყოველწლიური ფესტივალია, რომელიც იმართება არგენტინაში, საფრანგეთსა და პერუში. კინოფესტივალის ძირითადი მიზანია ცენტრალური და აღმოსავლეთი ევროპის ქვეყნების კინოკულტურის გავრცელება ევროპასა და ლათინურ ამერიკაში.

ფილმი „სანამ მამა დაბრუნდება" ორი ქისტი გოგონას ისტორიას მოგვითხრობს. ისინი პანკისის ხეობის სოფელ ყვარელწყალში ცხოვრობენ.

მათი მამები საზღვარგარეთ წავიდნენ და ოჯახებს იშვიათად უკავშირდებიან. ამაზე გარშემო ყველა ჩურჩულით ლაპარაკობს. ერთადერთი თავისუფალი სასაუბრო ადგილი გოგონებისთვის არის კინოს გაკვეთილები, რომელსაც ისინი პროექტ „კინოსკოლის" ფარგლებში ესწრებიან.

ფილმი გადაღებულია პანკისის ხეობაში, არის საქართველოს, საფრანგეთისა და გერმანიის კოპროდუქცია.

ფილმი კინოცენტრის დახმარებით შეიქმნა. მისი მსოფლიო კინოპრემიერა დიდ ბრიტანეთში დოკუმენტური კინოს ერთ-ერთ ყველაზე მასშტაბურ, შეფილდის ფესტივალზე შედგა.

თემები:
საქართველო და კულტურა (376)

მთავარი თემები