04:33 24 ოქტომბერი 2019
პირდაპირი ეთერი
  • EUR3.2965
  • 100 RUB4.6397
  • USD2.9661
რაჭა

ონში მხარეთმცოდნეობის ახალი მუზეუმი აშენდება

photo : courtesy of Faig Huseynov
კულტურა
მოკლე ბმულის მიღება
საქართველო და კულტურა (476)
57 0 0

მიწისძვრით დაზიანებული შენობის ნაცვლად, მუზეუმი ახალ შენობაში განთავსდება

თბილისი, 26 მაისი — Sputnik. ონში მთავრობის განკარგულებით მხარეთმცოდნეობის ახალი მუზეუმი აშენდება.

შეგახსენებთ, რომ ონში უკვე არის ერთი მხარეთმცოდნეობის მუზეუმი, რომელიც 1948 წელს აშენდა. თუმცა 1991 წელს ძლიერი მიწისძვრის შედეგად მუზეუმის შენობა სერიოზულად დაზიანდა.

იმ დროიდან თითქმის 30 წელიწადი გავიდა, მუზეუმის ექსპონატები კი დღემდე ამ ავარიულ შენობაში ინახება.

ამასთან ონის მხარეთმცოდნეობის მუზეუმს მდიდარი ფონდი გააჩნია - 14 ათასზე მეტი ექსპონატი. მის კედლებში ინახება სხვადასხვა არქეოლოგიური, ეთნოგრაფიული და ნუმიზმატური კოლექციები, სახვითი ხელოვნების ნიმუშები, ხელნაწერები და ძველი ბეჭდური წიგნები, ორიგინალური ისტორიული დოკუმენტები და ფოტომასალები, ასევე ეკლესიების ორნამენტული რელიეფები, ბარელიეფები და სხვ.

ონში ახალი მხარეთმცოდნეობის მუზეუმის შენობა ორსართულიანი იქნება. მუზეუმი იქნება ყველა თანამედროვე საერთაშორისო სტანდარტების შესაბამისი და შშმ პირთათვის სრულიად ადაპტირებული.

რაჭა ევროპის კურორტებს კონკურენციას გაუწევს >>

ახალი მუზეუმი გააერთიანებს საკონფერენციო დარბაზს, ფონდსაცავს, ბიბლიოთეკას, მედითეკას და საგანმანათლებლო სივრცეს ბავშვებისთვის.

თემები:
საქართველო და კულტურა (476)

მთავარი თემები