თბილისი, 13 მაისი — Sputnik. ამერიკელმა მსახიობმა და მომღერალმა მაილი საირუსმა თავისი მუსიკალური ალბომის ყდისთვის სურათი ქართველი დიზაინერ გიორგი ქებურიას ბლუზაში გადაიღო.
მან ახალი ალბომისთვის გადაღებული ფოტო, რომელიც 30 მაისს გამოვა, საკუთარ Instagram-გვერდზე დადო.
პოპ-ვარსკვლავმა ქართველი დიზაინერის კოლექციიდან შეარჩია თეთრი ფერის ბლუზა შავი კოპლებითა და მოცულობითი მკლავებით. მას ასევე აცვია ჯინსი-შლაქსი და ბლუზისფერი ფეხსაცმელები.
მსოფლიო ვარსკვლავებმა არაერთხელ შეაჩერეს არჩევანი გიორგი ქებურიას ტანისამოსზე: მსახიობი ლინდსი ლოჰანი და მომღერალი ლედი გაგა ახალგაზრდა ქართველი დიზაინერის ტანისამოსში ბრწყინავდნენ. ამასთან, ქებურიამ ცნობადობა მოიპოვა მზის სათვალე – „ლისიჩკებით", რომელიც ჰიტად იქცა არა მარტო თბილისში, არამედ მის საზღვრებს გარეთაც.
მილანის მოდის კვირეულის ფარგლებში მსოფლიოში ცნობილმა მოდელმა კლაუდია შიფერმაც და ჟურნალ Vogue-ის მთავარმა რედაქტორმა ანა ვინტურიმ და Vogue-ის დირექტორმა ემანუელ ფარნეტიმ შეაფასეს ქებურიას შემოქმედება.
გიორგი ქებურია — თვითნასწავლი დიზაინერია. დაიბადა 1990 წელს თბილისში. 2010 წელს თავისი პირველი მხიარული და სიურრეალისტური კოლექცია წარმოადგინა და თბილისის მოდის კვირეულზე „საუკეთესო ახალბედას" ჯილდო მიიღო.
