04:22 27 მაისი 2019
პირდაპირი ეთერი
  • EUR3.1102
  • 100 RUB4.3044
  • USD2.7802
ბარდების სიმღერის კონცერტი

თბილისში საავტორო სიმღერების საერთაშორისო ფესტივალი იწყება

© Sputnik / Levan Avlabreli
კულტურა
მოკლე ბმულის მიღება
საქართველო და კულტურა (104)
71 0 0

ფესტივალის კონცერტები გრიბოედოვის სახელობის თბილისის სახელმწიფო რუსული დრამატული თეატრის სცენაზე გაიმართება.

თბილისი, 6 მაისი — Sputnik. საავტორო სიმღერების თბილისის საერთაშორისო ფესტივალი, რომელიც წელს ცნობილი პოეტის, ბარდისა და კომპოზიტორის ბულატ ოკუჯავას 95 წლისთავს ეძღვნება, საქართველოს დედაქალაქში ორშაბათს, 6 მაისს გაიხსნება.

რიგით მეხუთე ფესტივალი 11 მაისამდე გასტანს. კონცერტებზე გაჟღერდება მრავალი ორიგინალური სიმღერა სხვადასხვა ქვეყნების ბარდების შესრულებით.

წლევანდელი ფესტივალის სლოგანია „ვუმღერი მეგობრებს". საინფორმაციო სააგენტო და რადიო „Sputnik–საქართველო" ფესტივალის მთავარი საინფორმაციო პარტნიორია.

ფესტივალის ოფიციალური გახსნა გრიბოედოვის სახელობის თბილისის სახელმწიფო რუსული დრამატული თეატრის მცირე დარბაზში 19:00 საათზე გაიმართება.

კონცერტზე ბულატ ოკუჯავას კომპოზიციებითა და საკუთარი სიმღერებით მსმენელის წინაშე წარდგებიან ვახტანგ აროშიძე, ანა გრიგი, ოლეგ მჭედლიშვილი, გოგა ჭყონია, ალექსეი ზახარენკოვი (რუსეთი) და აზებაიჯანელი ჯავიდ იმამვერდიევი. 

შემდგომ დღეებში ფესტივალის მონაწილეებს ელოდებათ ექსკურსიები თბილისსა და მცხეთაში, ვაკის პარკში უცნობი ჯარისკაცის მემორიალის გვირგვინით შემკობა, ასევე მასტერ-კლასები საქართველოს საავტორო სიმღერების შემსრულებლებისა და ახალგაზრდა პოეტებისთვის.

Концерт бардовской песни 9 мая в театре им. Грибоедова
© Sputnik / Levan Avlabreli
თბილისში სხვადასხვა ქვეყნებიდან ბარდები შეიკრიბებიან

ბულატ ოკუჯავას დაბადების დღეს, 9 მაისს გრიბოედოვის თეატრის დიდი დარბაზის სცენაზე გაიმართება გალა-კონცერტი სახელწოდებით „ომის სიმღერები", რომელიც გამარჯვების დღეს მიეძღვნება. კონცერტში მონაწილეობას მიიღებენ ფესტივალის სტუმრები და ქართული ესტრადის ვარსკვლავები.

2019 წლის ფესტივალში მონაწილეობას მიიღებენ 9 ქვეყნის წარმომადგენლები: ჯავიდ იმამვერდიევი (აზერბაიჯანი), კარენ მამიკონიანი (სომხეთი), ოლგა ზალესკაია (ბელარუსი), ლეონიდ ვაკსმანი (ისრაელი), მიხაილ განტმანი და ოლგა ვასილევა (გერმანია), იაცეკ ბესჩინსკი (პოლონეთი), ვლადიმირ ვასილევი და ვლადიმირ კადენკო (უკრაინა).

ფესტივალზე რუსეთს წარმოადგენენ ავტორ-შემსრულებლები ჩინგიზ ბახადოვი, ელენა გურფინკელი, ალექსეი ზახარენკოვი, დმიტრი კურილოვი, ვალენტინ და მიხეილ ტროშენკოვები.

ქართული მხრიდან მონაწილეობენ ბარდები რობ ავადიაევი, ვახტანგ აროშიძე, ანა გრიგი, ზურაბ ზაქარიაძე, ოლეგ მჭედლიშვილი, ირინა პაროშინა და გოგა ჭყონია.

თბილისის საავტორო სიმღერების საერთაშორისო ფესტივალი საერთაშორისო კულტურულ-საგანმანათლებლო კავშირმა Русский клуб-მა ფონდ Русский мир-ის ფინანსური მხარდაჭერით დააფუძნა. პირველად იგი 2014 წელს გაიმართა და, როგორც წელს, მაშინაც ბულატ ოკუჯავას ეძღვნებოდა.

თემები:
საქართველო და კულტურა (104)

მთავარი თემები