ერდოღანმა და ალიევმა სამოკავშირეო ურთიერთობების შესახებ დეკლარაცია გააფორმეს

© photo: Press service of the President of Azerbaijan  / გადასვლა მედიაბანკშითურქეთის პრეზიდენტ რეჯეფ თაიიფ ერდოღანის ვიზიტი აზერბაიჯანში
თურქეთის პრეზიდენტ რეჯეფ თაიიფ ერდოღანის ვიზიტი აზერბაიჯანში - Sputnik საქართველო, 1920, 15.06.2021
გამოწერა
აზერბაიჯანის ლიდერის თქმით, ხელმოწერილ დეკლარაციას მოკავშირეობის შესახებ თურქეთთან ურთიერთობები ყველაზე მაღალ დონეზე აჰყავს.

თბილისი, 15 ივნისი — Sputnik. აზერბაიჯანის პრეზიდენტმა ილჰამ ალიევმა თურქეთის პრეზიდენტ რეჯეფ თაიიფ ერდოღანთან ქალაქ შუშაში პირისპირ შეხვედრის შემდეგ ხელი მოაწერა დეკლარაციას ბაქოსა და ანკარას შორის სამოკავშირეო ურთიერთობების შესახებ, იუწყება Sputnik-აზერბაიჯანი.

რეჯეფ ერდოღანი - Sputnik საქართველო, 1920, 15.06.2021
თურქეთის პრეზიდენტი ერდოღანი ბაქოში ჩავიდა

ერდოღანი მეუღლესთან ერთად ორშაბათს ვიზიტით ბაქოში ჩავიდა, სადაც თურქეთის ლიდერის დახვედრის ოფიციალური ცერემონია გაიმართა. პრეზიდენტების პირისპირ შეხვედრა დაგეგმილზე ხანგრძლივი გამოდგა და დაახლოებით ერთ საათს გაგრძელდა.

შუშაში სამოკავშირეო ურთიერთობების შესახებ დეკლარაციის ხელმოწერის შემდეგ პრეზიდენტებმა პრესისთვის განცხადებები გააკეთეს. აზერბაიჯანის პრეზიდენტის თქმით, დოკუმენტში არის ნახსენები ყარსის ხელშეკრულება და საუბარია ზანგეზურის დერეფნის გახსნაზე.

ალიევმა ასევე განაცხადა, რომ შუშის დეკლარაციაში თავდაცვის საკითხები და ამ სფეროში ურთიერთდახმარების საკითხებზეა საუბარი.

„ამ დეკლარაციაში ყველა სფეროს საკითხებია წამოწეული. მათ შორის თავდაცვის და ამ სფეროში ურთიერთდახმარების საკითხები. ხელმოწერილ დეკლარაციას მოკავშირეობის შესახებ ჩვენი ურთიერთობები ყველაზე მაღალ დონეზე აჰყავს“, - განაცხადა ალიევმა ხელმოწერის ცერემონიის დასრულების შემდეგ.

 

ყველა ახალი ამბავი
0