ფაშინიანი: მალე თურქებს ვენის კარიბჭესთან იხილავთ

© photo: Sputnik / Sergey Guneev / გადასვლა მედიაბანკშინიკოლ ფაშინიანი
ნიკოლ ფაშინიანი - Sputnik საქართველო
გამოწერა
ამ დროისათვის სომხეთისა და აზერბაიჯანის საგარეო საქმეთა მინისტრები მოსკოვში იმყოფებიან და რუსეთის საგარეო საქმეთა მინისტრთან ერთად მსჯელობენ მთიანი ყარაბაღის საკითხზე

თბილისი, 9 სექტემბერი — Sputnik. თუ საერთაშორისო თანამეგობრობა ანკარის ექსპანსიონიზმს არ შეაჩერებს, თურქებს მალე ვენაში ვიხილავთ, როგორც ეს რამდენიმე საუკუნის წინ იყო, განაცხადა სომხეთის პრემიერ–მინისტრმა ნიკოლ ფაშინიანმა იტალიურ გამოცემა La Republica-სთან ინტერვიუში.

სამმხრივი შეხვედრა მოსკოვში - Sputnik საქართველო
აზერბაიჯანისა და სომხეთის შეხვედრა მოსკოვში: ბოლო ცნობა

მისი თქმით, ერევანი და სტეპანაკერტი თურქული ექსპანსიის გზაზე ბოლო მიჯნებია.

„სომხეთი და მთიანი ყარაბაღი ბოლო მიჯნებია ანკარის ექსპანსიონიზმის გზაზე და თუ საერთაშორისო თანამეგობრობა სასწრაფოდ არ ჩაერევა, მალე თურქებს ვენის კარიბჭესთან იხილავენ, როგორც ეს XVII საუკუნეში მოხდა“, — თქვა ფაშინიანმა.

უცხოურ მედიასაშუალებებს ინტერვიუ მისცა აზერბაიჯანის პრეზიდენტმა ილჰამ ალიევმაც. ტელეარხ CNN–თან საუბრისას მან კიდევ ერთხელ გამოთქვა უკმაყოფილება ეუთოს მინსკის ჯგუფის მუშაობით, რამაც „არაფერი მოიტანა“.

„28 წელია, საერთაშორისო შუამავლობა გვაქვს. ეუთოს მინსკის ჯგუფი 1992 წლიდან, უკვე 28 წელია, ფაქტობრივად პასიურ მოღვაწეობას ეწევა. ამ შუამავლობამ არაფერი მოიტანა. ამ შუამავლობას ის მოჰყვა, რაც დრეს ხდება. ეს შუამავლობა არ აღმოჩნდა საკმარისი იმისთვის, რომ სომხეთს ის ტერიტორიები დაეტოვებინა, რომლებიც მას არ ეკუთვნის“, — აღნიშნა ალიევმა.

მანამდე აზერბაიჯანის ლიდერმა ხალხისადმი მიმართვისას განაცხადა, რომ მთიან ყარაბაღში სტატუს–კვო გააუქმა.

ამ დროისათვის სომხეთისა და აზერბაიჯანის საგარეო საქმეთა მინისტრები მოსკოვში იმყოფებიან და რუსეთის საგარეო საქმეთა მინისტრთან ერთად მსჯელობენ მთიანი ყარაბაღის საკითხზე. მოლაპარაკებები უკვე სამ საათზე მეტია, გრძელდება. წინასწარი ვარაუდით, მხარეებს შორის სამშვიდობო შეთანხმება დღეს გვიან ან 10 ოქტომბრის დილით გაფორმდება

 

ყველა ახალი ამბავი
0