04:48 20 ოქტომბერი 2020
პირდაპირი ეთერი
  • EUR3.7763
  • 100 RUB4.1332
  • USD3.2117
კავკასია
მოკლე ბმულის მიღება
ესკალაცია ყარაბაღში 2020 (90)
85 0 0

არაღიარებული ყარაბაღის პარლამენტის სპიკერს მიაჩნია, რომ აზერბაიჯანი–სომხეთის ომს თურქეთი საკუთარი ინტერესებისთვის იყენებს.

თბილისი, 6 ოქტომბერი — Sputnik. მთიან ყარაბაღში მიმდინარე კონფლიქტი ახლა უკვე არის არა აზერბაიჯანისა და სომხეთის ომი, არამედ თურქეთის მცდელობა, დამკვიდრდეს კავკასიაში, განაცხადა არაღიარებული მთიანი ყარაბაღის რესპუბლიკის პარლამენტის სპიკერმა არტურ თოვმასიანმა ბრიფინგზე.

„თავდაპირველად ომის დაწყება აზერბაიჯანის ხელისუფლების მიერ იყო ინიცირებული, მაგრამ ახლა მას უკვე თურქეთის სამხედრო-პოლიტიკური ხელმძღვანელობა აწარმოებს. ეს არ არის ომი აზერბაიჯანსა და სომხეთს შორის, არამედ თურქეთის მცდელობა, შემოაღწიოს კავკასიაში“, — მიაჩნია თოვმასიანს.

მისი თქმით, საერთაშორისო თანამეგობრობამ, უცხოეთის სახელმწიფოებმა, რომლებიც „ყველაფერს ხედავენ“, სანქციები უნდა დაუწესონ თურქეთის პრეზიდენტ რეჯეფ ერდოღანს.

მანამდე არაღიარებული ყარაბაღის პარლამენტის სპიკერი აცხადებდა, რომ ყარაბაღი კონფლიქტის თაობაზე მოლაპარაკებებს უნდა დაბრუნებოდა.

სომხეთსა და აზერბაიჯანს შორის მთიანი ყარაბაღის გამო კონფლიქტი 27 სექტემბერს გამწვავდა. ერევანი და ბაქო ესკალაციაში ერთმანეთს ადანაშაულებენ. სომხეთის თავდაცვის სამინისტრომ განაცხადა, რომ ყარაბაღზე აზერბაიჯანმა „საჰაერო და სარაკეტო იერიში“ მიიტანა, ბაქოში კი ირწმუნებიან, რომ ცეცხლი სომეხმა სამხედროებმა გახსნეს. მიმდინარეობს აქტიური საომარი მოქმედებები. მსხვერპლი არის ორივე მხარეს.

თემები:
ესკალაცია ყარაბაღში 2020 (90)

მთავარი თემები