თბილისი, 16 ივლისი — Sputnik. აზერბაიჯანის პრეზიდენტმა ილჰამ ალიევმა თანამდებობიდან გაათავისუფლა საგარეო საქმეთა მინისტრი ელმარ მამედიაროვი, იუწყება „Sputnik–აზერბაიჯანი“.
შესაბამის განკარგულებას პრეზიდენტმა უკვე მოაწერა ხელი.
„გათავისუფლდეს თანამდებობიდან აზერბაიჯანის საგარეო საქმეთა მინისტრის თანამდებობიდან ელმარ მამედიაროვი“, – ნათქვამია დოკუმენტში.
მამედიაროვი, რომელიც საგარეო უწყების ხელმძღვანელის თანამდებობას 2004 წლიდან იკავებდა, ცოტა ხნის წინ გახდა პრეზიდენტის კრიტიკის ობიექტი. მინისტრთა კაბინეტის სხდომაზე ალიევმა ყველას გასაგონად განაცხადა, რომ სომხეთთან საზღვარზე კონფლიქტის ესკალაციის შემდეგ მინისტრი ვერც ერთხელ ვერ იპოვა თავის სამუშაო ადგილზე.
პრეზიდენტ ალიევის განკარგულების თანახმად, აზერბაიჯანის საგარეო საქმეთა ახალ მინისტრად ჯეიჰუნ ბაირამოვი დაინიშნა, რომელსაც მანამდე განათლების მინისტრის პოსტი ეკავა.
