თბილისი, 9 მაისი — Sputnik. აზერბაიჯანში გასულ დღე-ღამეში კორონავირუსით ინფიცირების 143 ახალი ფაქტი გამოვლინდა, სამი ადამიანი გარდაიცვალა, იუწყება Sputnik-აზერბაიჯანი.
ერთი დღით ადრე ქვეყანაში COVID-19-ის 75 ახალი შემთხვევა დაფიქსირდა.
დღეისათვის აზერბაიჯანში კორონავირუსით ინფიცირების 2 422 შემთხვევა დადასტურდა, გამოჯანმრთელდა 1 620 კაცი, გარდაიცვალა 31 ადამიანი, საგანგებო რეჟიმის საავადმყოფოებში მკურნალობას 771 პაციენტი აგრძელებს.
29 ავადმყოფის მდგომარეობა მძიმეა, 41-ის - საშუალო სიმძიმის, დანარჩენების მდგომარეობა სტაბილურია.
ქვეყანაში სულ 188 950 ტესტი ჩატარდა.
რაც შეეხება სომხეთს, სადაც საგანგებო მდგომარეობა მოქმედებს, იქ COVID-19-ის დადასტურებული შემთხვევების რაოდენობა 3 175-ს აღწევს. ამის შესახებ ინფორმაციას ქვეყნის დაავადებათა კონტროლის და პროფილაქტიკის ეროვნული ცენტრი ავრცელებს.
მარნეულში ახალ კორონავირუსზე მოსახლეობის ტესტირება მიმდინარეობს >>
შედარებისთვის, 8 მაისის მდგომარეობით, ქვეყანაში ინფიცირების 3 029 დადასტურებული შემთხვევა იყო. ამგვარად, ერთ დღე-ღამეში შემთხვევების რაოდენობა 146-ით გაიზარდა.
ახალი მონაცემების თანახმად, კორონავირუსით გამოწვეული გართულებებით ქვეყანაში გარდაიცვალა 44 ადამიანი (ერთი ადამიანი გასულ დღე-ღამეში დაიღუპა). კორონავირუსით დაავადებული 12 პაციენტი (პლუს ორი გასულ დღე-ღამეში) სხვა მიზეზების გამო გარდაიცვალა.
„კორონავირუსით გარდაცვლილ 61 ქალს თანმდევი ქრონიკული დაავადებები აღენიშნებოდა“, - ნათქვამია სომხეთის ჯანდაცვის სამინისტროს განცხადებაში.
COVID-19 სულ 1 267 პაციენტმა დაამარცხა. მკურნალობის კურსს 1 852 ადამიანი გადის. ჩატარებული ტესტების რაოდენობა - 30 397.
სომხეთში საგანგებო მდგომარეობის რეჟიმი 14 მაისამდე მოქმედებს. თუმცა 4 მაისიდან ეკონომიკურ საქმიანობაზე და ადამიანების გადაადგილებაზე შეზღუდვები ნაწილობრივ მოიხსნა.
კერძოდ, გაუქმდა საშვების სისტემა, ყველა ადამიანს თავისუფალი გადაადგილება შეუძლია. თუმცა, საზოგადოებრივი ტრანსპორტი არ დადის.
