თბილისი, 8 დეკემბერი - Sputnik. სომხეთის სამართალდამცველმა ორგანოებმა დააკავეს საქართველოს მოქალაქე, რომელიც ინტერპოლის თურქეთის განყოფილების მიერ იძებნებოდა, იუწყება „Sputnik-სომხეთი“.
43 წლის საქართველოს მოქალაქე „ზვართნოცის“ აეროპორტში 6 დეკემბერს დააკავეს. ის ერევნიდან ბუქარესტში გაფრენას ცდილობდა.
აღნიშნულია, რომ დაკავებული ძებნაშია 2013 წლის 3 ივლისიდან. მას ძარცვა და ქონებრივი ზარალის მიყენება ედება ბრალად. მას დაუსწრებლად პატიმრობა აქვს მისჯილი.
დაკავების შესახებ სომხეთში ინტერპოლის ცენტრალურ ბიუროსა და პროკურატურას შეატყობინეს.
