თბილისი, 2 თებერვალი — Sputnik. აჭარში განსაკუთრებით დიდი ოდენობით ნარკოტიკული საშუალებისა და ფსიქოტროპული ნივთიერების უკანონო შეძენა-შენახვის და საქართველოში შემოტანის ბრალდებით თურქეთის მოქალაქეა დააკავებული, ნათქვამია შინაგან საქმეთა სამინისტროს მიერ გავრცელებულ ინფორმაციაში.
სამართალდამცველებმა 45 წლის მამაკაცი სასაზღვრო გამშვებ-პუნქტ „სარფის" ტერიტორიაზე დააკავეს.
ბრალდებულის პირადი და სამგზავრო ჩანთის ჩხრეკისას ნივთმტკიცებად ამოღებულია განსაკუთრებით დიდი ოდენობით ნარკოტიკული საშუალება და ფსიქოტროპული ნივთიერება, მათ შორის: 979 აბი ,,მდმა" და „პრეგაბალინის“ შემცველი 47 კაფსულა.
გამოძიება სსკ-ის 260-ე, 261-ე და 262-ე მუხლებით მიმდინარეობს, რაც 20 წლამდე ან უვადო თავისუფლების აღკვეთას ითვალისწინებს.