თბილისი, 8 იანვარი - Sputnik. სამართალდამცველებმა მარნეულში ოჯახში ჩადენილი ძალადობისთვის ძებნილი პირი დააკავეს, ნათქვამია შინაგან საქმეთა სამინისტროს მიერ გავრცელებულ განცხადებაში.
25 წლის მამაკაცს ბრალი წინასწარი შეცნობით ორსული ქალის მიმართ ოჯახში ჩადენილ ძალადობაში ედება. უწყების ცნობით, ის წარსულში სხვადასხვა დანაშაულისთვისაა ნასამართლევი.
გამოძიებით დადგინდა, რომ მსჯავრდებული 2025 წლის 6 დეკემბერს ორსულ მეუღლეს ფიზიკურად გაუსწორდა და შემთხვევის ადგილიდან მიიმალა.
სამართალდამცველებმა მსჯავრდებული მოსამართლის განჩინების საფუძველზე მარნეულში დააკავეს.
მამაკაცი ამჟამად პენიტენციურ დაწესებულებაშია მოთავსებული.