თბილისი, 29 ნოემბერი - Sputnik. სამართალდამცველებმა ნარკოდანაშაულის ბრალდებით უკრაინის მოქალაქე დააკავეს, ნათქვამია შინაგან საქმეთა სამინისტროს მიერ გავრცელებულ განცხადებაში.
37 წლის მამაკაცს საგამოძიებო უწყება განსაკუთრებით დიდი ოდენობით ნარკოტიკის უკანონო შეძენა-შენახვასა და რეალიზაციის ხელშეწყობას ედავება.
უწყების ცნობით, ბრალდებულის ავტომობილისა და მცხეთის მუნიციპალიტეტში მდებარე მისი საცხოვრებელი სახლის ჩხრეკის შედეგად სამართალდამცველებმა განსაკუთრებით დიდი ოდენობით ნარკოტიკული საშუალება - 18 კილოგრამზე მეტი "მეთადონი" ამოიღეს.
ასევე ამოღებულია ნარკოტიკული საშუალების დაფასოებისთვის საჭირო მასალები.
გამოძიება საქართველოს სსკ-ის 260-ე და 260-ე კვარტა მუხლებით მიმდინარეობს. დანაშაული 20 წლამდე ან უვადო თავისუფლების აღკვეთას ითვალისწინებს.