თბილისი, 17 სექტემბერი — Sputnik. სამართალდამცველებმა სხვადასხვა დანაშაულისთვის ძებნილი პირი დააკავეს, იუწყება შინაგან საქმეთა სამინისტრო.
38 წლის მამაკაცი ჯანმრთელობის განზრახ დაზიანებისა და სექსუალური ხასიათის ქმედების ჩადენის ბრალდებით 2004 წლიდან იძებნებოდა.
სამართალდამცველებმა მსჯავრდებული თბილისის საერთაშორისო აეროპორტში იმ დროს დააკავეს, როდესაც იგი საზღვრის კვეთას სხვის სახელზე გაცემული პასპორტით ცდილობდა.
ბრალდებული გადაყვანილია პენიტენციურ დაწესებულებაში.